360秒人生課堂︳棟篤笑藝人阿V將現身TVB遭圍插 Bob林盛斌親自拆解網民負評

由林盛斌（Bob）主持的無綫節目《360秒人生課堂》，今個星期播出最後兩集，其中一集請來棟篤笑藝人、印度裔香港人阿V（Vivek Mahbubani）擔任演講嘉賓。阿V曾為ViuTV主持兩輯《G-1格鬥會》及擔任一些節目的嘉賓，ViuTV味濃，今次他亮相TVB，結果引來網民在其Facebook圍插，Bob於是在留言內逐一拆解。

{{hket:inline-image name="05111001.jpg"}}{{/hket:inline-image}}

{{hket:inline-image name="bob_lamshingbun_279261396_513752250409755_4244958549445265235_n.jpg"}}{{/hket:inline-image}}

同場加映：林希靈偏愛高佬陳安立拍拖頸痠 踢爆未婚夫愛霸廁所玩手機

{{hket:ul-video id="5724"}}{{/hket:ul-video}}

阿V日前在Facebook預告上《360秒人生課堂》，當年他就讀城市大學時，Bob是其O Camp（迎新營）的「組爸」，一班同學玩得很癲。想不到這一則普通不過的Post引來不少人不滿，有網民話估不到阿V會上TVB，聲稱對他很失望，竟然擔任如此低質素節目的嘉賓；Bob隨即留言幫阿V解圍，他回覆：「邊個台都冇所謂嘅，呢個節目都係希望可以帶到娛樂同埋正能量畀大家」、「咁又唔使失望嘅，個節目又唔算好低質素嘅，台前幕後都好畀心機做好個節目，希望可以帶到多啲正能量畀大家」。

360秒人生課堂丨壯年男突患四期淋巴癌大受打擊 幸得陳山聰哥哥做契爺鼓勵面對【下一頁】

其中一位網民繼續狙擊，「你夠膽咪上去問連登你個節目有冇質素囉！請一班打手係網上做勢，又有一班臨記做觀眾，由頭到尾好大陸，救命！」Bob繼續禮貌回應：「多謝你嘅留言，首先我唔需要去任何一個特定嘅討論區問大家嘅意見，因為無論係做任何一個節目或者劇集，都會有人喜歡，有人唔喜歡。第二，我都希望如你所講有打手去幫呢個節目做宣傳，不過可能令你失望，我冇咁做到，我亦相信電視台冇呢個預算去做呢樣野。第三，上來做現場觀眾嘅朋友，唔係乜嘢臨記，佢哋有啲係自己申請做現場觀眾，有啲係演講嘉賓嘅家人朋友，有啲係啱啱完咗訓練班嘅同學，仍有部分係李炫華老師嘅學生。第四，其實呢個節目同其他地方電視台嘅演講類型節目，可能會有相類似嘅地方，因為都係有一個演講嘉賓喺台上面做演講，台下面有一班觀眾一齊聽，仲有一個主持人，所以可能令你覺得有相似嘅地方！」

該網民堅持他的理論，甚至認為其他留言撐Bob的網民也是「PR」，Bob則說：「PR？即係你話喺上面留言畀你嗰幾個，係我或者電視台請返嚟嘅PR？唔緊要，你覺得係就係啦，無論如何，祝你身體健康，開開心心。」

360秒人生課堂︳戴耀明慚愧未能帶阿媽遊電視城 視帝譚俊彥暗幫兄弟圓夢勁有愛【下一頁】

Bob大方得體，並未有阻止網民發言，或說出一些人身攻擊的話，因此獲得其他網民讚賞，「你已經好有口德」、「唔使浪費時間回應啲咁嘅人啦，你做咩都有人話㗎啦」、「欣賞你嘅EQ，Bob哥！下次唔使講咁多㗎喇！講兩句『幫緊你、幫緊你』就足夠了」、「高智慧回覆，對啲有色人咁善良」及「Bob爺，高智商！咁叻都有咁好的容人之量，唔封你做偶像都難」。

（↓點擊放大睇圖片↓）

此外，阿V於大學畢業後發現患上淋巴癌，醫生表示要立刻進行化療，過程令他明白到「做人要捉緊時間」，並在病榻之中許了一個心願，就是如果痊癒的話一定要參加一次棟篤笑比賽。他在2007年參加了全港的公開廣東話棟篤笑大賽，還贏得冠軍。最近他亦應醫療平台邀請擔任星級病人，聯同黃德斌、泳兒、前財政司司長曾俊華及殘疾羽毛球運動員林芷煖等，以「認病．不認命」為主題，與一眾病友認識疾病成因，並帶出即使患上頑疾，如何保持「積極進取，不認命」的態度；同時阿V將以棟篤笑形式訴說患癌經過，怎樣提醒自己在艱難日子笑下去。

至於他今次在《360秒人生課堂》的演講內容，從預告片段所見是有關種族歧視，他曾被途人誤認為巴基斯坦人而帶來生活上的不便。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】