360秒人生課堂︳戴耀明細訴當街被叫茄哩啡經歷 爆母親心願兒子搵個好女伴

有「TVB御用傻仔」封號的戴耀明，擔任《360秒人生課堂》嘉賓，明日（21日）在節目上分享他當小演員的辛酸史，並講述亡父離世對其影響，以及對年邁母親的種種歉意及愧疚。昨晚戴耀明在社交平台發文，為這次演說「同大家備案」，表明收到主持人林盛斌（Bob）來電邀請時，心情頗為複雜，既開心又害怕，錄影後覺得自己講得不好，但亦希望為觀眾帶來一點啟發。

{{hket:inline-image name="04201001.JPG"}}{{/hket:inline-image}}

{{hket:inline-image name="001Uknn9gy1guqdjkkhplj61400u0wju02.jpg"}}{{/hket:inline-image}}

同場加映：娛樂直擊| 梁芷珮疫情下出遊拍攝感受良多 「冇人想見到全世界靜止晒」

{{hket:ul-video id="5602"}}{{/hket:ul-video}}

戴耀明在節目內指出，從小疑有「過度活躍」，純粹因為「怕悶」才立志要做演員，他表示︰「今日可以做飛機師，聽日可以做律師，後日可以打劫阿婆……諗起都開心！」多年來他在無綫參演過無數古裝、時裝及民初劇，劇種包括溫情、搞笑及勵志，曾做過記者、綁匪及日本軍官等角色，可惜觀眾卻似記不起戴耀明的名字，先後兩次在街上被指是「茄哩啡」，可謂同他的演藝路一樣，有悲亦有喜。戴耀明說母親思想單純，最大心願是兒子能找到一個好的女伴，這背後原因更暗藏洋蔥；他結尾用力的說：「我唔係邊個邊個！我亦唔係茄哩啡，我個名叫做戴耀明。」其實戴耀明已經不是茄哩啡，而是為人所熟悉的演員，之前他在《青春不要臉》中飾演李天光一角，觀眾大讚有驚喜，留下深刻印象。

青春不要臉丨戴耀明撇蠱惑味演李添勝有驚喜 訓練班感同身受：份熱血出番嚟【下一頁】

戴耀明好擔心個人表現，怕講得差，昨晚在微博表示：「幾個月前，當我收到Bob哥哥來電嘅時候，心情真係有啲複雜……開心加害怕；一方面好開心，因為可以試吓自己從未試過嘅台上演說，但另一方面又有啲害怕……怕自己講得唔好之餘，又唔知應該點講關於『戴耀明』呢條友。自問只係生活喺香港地，一個好平凡、好平凡……以演員為職業嘅一個小市民，只想將呢個小市民最真實一面同大家分享（有啲嘢掙扎咗好耐，到底應唔應該講？到最後……都係講咗……死就死啦）！」

七公主 x 智能愛人｜戴耀明連續兩套劇被打到變豬頭 一日五套劇做勻警察保安古惑佬【下一頁】

對於《360秒人生課堂》一、二集的閱後感，「呢個節目好似我小時候，成班細路仔每隔幾日就去公園嗰度，聽一個伯伯講一個小故事，每次聽完故仔都會幫襯伯伯買粒糖；而每次個伯伯講完故事之後，都會話番畀我哋聽『個故事嘅意義係乜嘢』︰例如《龜兔賽跑》就係叫人『要有毅力、不要懶惰』。可能細個嘅關係，對『意義』冇太大感覺，好多時只係注重粒糖好唔好食……事隔幾十年後嘅今天，好老土咁講，人大咗經歷多咗，聽呢啲故事時有一種莫名其妙嘅代入感。呢個節目畀我嘅感覺係……冇刻意包裝，冇所謂刻意嘅催淚或大笑位，而係好實在地同大家分享。」

戴耀明續說：「喺呢個社會上一些『小故事』，『小故事』希望畀到大家一啲啟發，令大家可以停一停、諗一諗！無論天陰或者勁天陰，都有『正能量』可以找尋到㗎！坦白講，演說……我覺得自己講得唔好，同時好享受呢個難忘過程。好多謝Bob、TVB、台前幕後一班兄弟姊妹，多謝你哋畀小弟表白，喺度祝大家開心過每天，好好生活。」

（↓點擊放大睇圖片↓）

此外，今個星期節目嘉賓尚有著名編劇阮繼志及演講家車志健（Brian Cha）。阮繼志於1987年憑《倩女幽魂》獲金馬獎「最佳改編劇本」獎，89年不幸遇上車禍，令其腦部嚴重受創，右邊身體活動不便；面對上天要他面對艱難的前路，阮繼志坦言願意「屢敗屢戰」，並以黃霑經典作品《家變》的歌詞「人間的波折，經得起挫折，始終都會不枉此生」作結尾，希望為聽眾帶來反思及鼓勵。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】