KFC新沾醬「爆脆雞」一試難忘 買指定餐送「COLLAR」限定禮品

KFC早前推出外脆內嫩「爆脆雞」，仲請咗女團「COLLAR」拍宣傳片，最近KFC再推出第二浪「爆脆」驚喜，追加3款滋味沾醬，其中法式他他醬風味清爽酸甜，係打開胃口不二之選；而北歐玉桂蘋果醬就夠清新，濃郁芳甜嘅玉桂蘋果香味縈繞味蕾，食完由舌尖甜到心頭；鍾意食辣嘅人，記得要試下美式甜辣醬，恰到好處嘅酸甜滲透少少辛辣口感，黛安都一試難忘。現凡惠顧「爆脆雞」套餐，即可配搭1款滋味沾醬；惠顧任何可選雞件口味嘅套餐，亦可免費選配「爆脆雞」。

此外，KFC仲推出咗全新「COLLAR」限定精美禮品及宣傳片，推廣期內凡惠顧O4「爆脆雞滿足套餐」或「爆脆雞2人餐」，都有機會獲得「COLLAR」成員個人應援手幅或手機架乙份，禮品數量有限，送完即止。公關姊妹話，KFC聯乘「COLLAR」推出嘅3部全新宣傳短片，係以日常生活「爆趣」嘅一面演繹「爆脆」滋味，首部宣傳短片已經喺KFC嘅fb專頁播出，粉絲唔好錯過呀。