無綫最近在午夜時分,安排重播長劇《天地男兒》,該劇由鄭少秋、羅嘉良、張智霖、古天樂、伍詠薇、宣萱、陳松伶、張鳳妮、張可頤、張兆輝、李子雄等,當然還有資深演員關海山(蝦叔)、鮑方、夏萍、白茵、馮素波、潘志文、劉江等等。
同場加映:食腦喪B丨方紹聰暫別精神病角色初嘗男配角 感激家人無限量支持:姐姐以我為榮
《天》劇編審鮑偉聰日前在網上節目《聰心直說》,重提這套27年前的作品,當中「老戲骨」是舉足輕重,不過鮑偉聰對於一張全劇演員大曬冷的劇照,蝦叔站在第一排中正位置,左右兩邊有男主角鄭少秋和潘志文傍住,第二排則有古天樂、張智霖,之後就到女主角同其他演員,他坦言對鮑方心有歉意,他說:「喺中國影視歷史上著名嘅一個編劇、導演、演員鮑方,竟然喺呢張合照要排到最後位置,比起好多二、三線演員仲要後,當時影呢幅相,我唔在場,亦都冇咁嘅權力去改變,但我認為鮑方叔企嘅位置,絕對可以企到去白茵、夏萍、馮素波嗰排嘅位置,因為佢嘅戲份不下於呢3位女演員,作為佢喺中國影視界嘅地位,我覺得佢絕對有資格企呢個位,即使佢企喺張智霖同古天樂後面。」鮑偉聰直言這是一個市場化、無可厚非的安排,不過他覺得尊重演藝老前輩,並不是只靠張嘴,而是以行動去表揚他們、尊重他們的項貢獻,並呼籲影視界同行對於演員排名、合照企位,要好好考慮老前輩感受和他們的地位。
《晴報》致電鮑方的女兒鮑起靜,對於鮑偉聰對鮑方被編排站在最後排仍耿耿於懷,鮑起靜說:「好多謝佢,佢仲記得爸爸,佢真係好可愛,希望佢唔好咁介懷,爸爸喺無綫15年,佢拍得好開心,同埋我冇聽佢講過呢啲嘢,一個演員好唔好,成唔成功,唔係睇呢啲,觀眾睇你嘅戲先係最重要,同埋有時好難兼顧得咁周全,作為老演員,唔會計較呢啲;好似曾志偉60大壽,佢請咗麥嘉同石天,佢哋兩個到咗,後一輩唔一定識你,所以我覺得一代一代咁樣落去,唔好咁介意。」
前無綫編審丨鮑偉聰為洩憤而寫《男親女愛》 諷刺製作部女權至上【下一頁】
蝦叔和鮑方在《天》劇分別飾演葉勝和徐堅,鮑偉聰坦言面對兩人,心理壓力好大,他說:「有次我落到去錄影廠,我見到鮑方叔攞住劇本睇,我個心寒一寒,一個喺民國時代已經主演抗戰劇、身為中國電影導演,佢自編自導自演《屈原》嘅鮑方,佢加入電視台,我唔知有幾多人知道佢嘅履歷,或者佢本人嘅藝術成就,我覺得佢係紆尊降貴,嚟到電視台錄影廠擔演一個父親角色,我當時知道佢嘅背景,所以我特別緊張,我唔敢喺佢嘅對白有任何差錯。」鮑方和蝦叔性格雖然截然不同,前者會拿著劇本度來度去,後者則愛拿著啤酒輕輕鬆鬆,飲到面紅耳赤,但當他們埋位後,兩位老戲骨大鬥演技,此情景令鮑偉聰畢生難忘。
講對白驚到震丨黃德斌憶述當年拍《真情》超緊張「蝦叔」關海山教誨:唔使場場好【下一頁】
對於一直有傳無綫當年欲開拍《新紮師兄IV》,但因梁朝偉不接演等各種問題而開不成,最後將《新紮師兄IV》查案故事變成《天地男兒》家族鬥爭題材,鮑偉聰表示只有一半是事實,他說:「開唔成《新紮師兄IV》係真,因為梁朝偉已經離巢;無綫係有一條生產線,每個廠房劃咗一年邊個月份係開咩劇,《新紮師兄IV》開唔成,但檔期係空咗出嚟,我就接咗一個任務,喺半年之後要開拍一個40集或者60集嘅劇集,我記得當時冇人講過要將《新紮師兄IV》嘅橋放落去用,我記得喺白板上,由零開始去畫人物關係,去設定佢哋之間嘅戲劇性同發展,所以《天地男兒》並非《新紮師兄IV》》嘅化身。」
撰文:黃曉妍
U Lifestyle App自家節目登錄《U TV》專區!
↓↓試玩、試食、試用影片任您睇↓↓
【立即體驗】