「唐立生」盧慶輝定居北京10多年 同家燕姐有聯絡：最掛住香港嘅...

無綫在早上時段重播處境劇《真情》，勾起了大家不少回憶，不過部份演員已經消失在幕前，例如「大勝」顏國樑、「歸亞南」郭耀明、「羅生肖」吳美珩、「羅生津」梁珮盈，以及「唐立生」盧慶輝等等。現年53歲的盧慶輝，10多年前移居北京，早前接受《晴報》電話訪問時透露最掛住是香港的美食。

同場加映：兄弟送驚喜爆男兒淚丨黃耀煌感激張國強點醒放棄轉行 靜待突破：我想成為家人嘅驕傲

{{hket:ul-video id="5149"}}{{/hket:ul-video}}

{{hket:inline-image name="10.JPG"}}{{/hket:inline-image}}

{{hket:inline-image name="28.jpg"}}{{/hket:inline-image}}

盧慶輝1995年報考無綫第8期藝員訓練班，同屆同學有李天翔、羅貫峰、劉永健、李思蓓、蓋世寶、滕麗名、湯盈盈、姚瑩瑩和張潔蓮，畢業後，獲無綫安排拍攝《真情》、《妙手仁心》、《冤家宜結不宜解》、《千里姻緣兜錯圈》、《肥婆奶奶扭計媳》、《街市的童話》等劇集，其後過檔亞視，有份演出的作品有《勝券在握》、《萬家燈火》、《子是故人來》等。由於他當時有不少負面新聞，盧慶輝決定離開是非之地，開始轉戰內地，定居北京已有10多年，直至2017年他回港拍攝《PTU機動部隊》，飾演一名高級警司，當時夥拍林峯、蔡卓妍、方中信、譚耀文、石修。

【為囝囝做真．男人】盧慶輝不堪受壓退出娛圈做地產 唐立生16年後強勢回歸做PTU【下一頁】

盧慶輝向《晴報》透露前陣子拍了一部內地劇《暗房》，在劇中飾演一名警察，有時都會過戲癮，他說：「如果遇到鍾意嘅角色，我都會拍吓，我非常感謝喺TVB嘅經歷，我喺TVB學到好多知識，亦都畀咗我嘅演藝事業起步，喺呢度遇到非常重要角色，例如『立生』，好多觀眾都係因為呢個角色而認識我，我都喺呢套劇識咗好多朋友、前輩，直到而家，我同家燕姐都依然保持聯絡。」

講對白驚到震丨黃德斌憶述當年拍《真情》超緊張「蝦叔」關海山教誨：唔使場場好【下一頁】

提到拍攝《真情》的難忘事，盧慶輝坦言有一個人的說話，至今仍然銘記心中，他說：「最令我難忘嘅係拍《真情》第一場重頭戲，我當時唔夠經驗，現場全部都係前輩，我一直NG又NG，我當時好緊張，呢個時候，蝦叔（關海山）同我講咗一句說話『年輕人唔好咁緊張，眼睛一閉進去角色，對白自然就出嚟啦！』我聽完呢句說話，即刻一take過。」現時，盧慶輝近年將工作重心放在幕後，他續說：「呢幾年，內地劇集嘅製作好精良，我而家喺製作公司學習導演嘅部分，公司主要以劇集主。」

異搜店丨林漪娸凍齡襟睇敢以素顏演阿媽 「演戲好開心 唔介意做綠葉」【下一頁】

{{hket:inline-image name="29.jpg"}}{{/hket:inline-image}}

{{hket:inline-image name="30.jpg"}}{{/hket:inline-image}}

最初去到北京，人生路不熟，他直言當時很不習慣北京的氣候和飲食，「好彩之後慢慢適應咗，但係我成日都好掛住香港嘅美食，例如茶餐廳嘅咖喱牛腩飯、路邊檔嘅魚蛋、八爪魚，如果我返香港，真係要食到夠。」此外，在家庭方面，有報道指他在2011年結婚，婚後育有一子，不過盧慶輝就婉拒回答家庭事。

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="111.jpeg"}}{{/hket:inline-image}}

{{hket:inline-image name="112.jpeg"}}{{/hket:inline-image}}

{{hket:inline-image name="113.jpeg"}}{{/hket:inline-image}}