與Heidi爭仔不和傳聞被提起 Yanny被責搞散女團：不關你的事

早前女子組合Super Girls正式解散，原因係隊中有幾位成員早已約滿離巢，包括隊長趙慧珊（Aka）、李靜儀（Heidi）及已成為人妻兼即將做媽媽的蔡明思（Jessica）。5個女仔原本人前人後感情都唔錯，不過去到後期就是非出名過佢哋嘅作品，其中陳穎欣（Yanny）同Heidi因為爭仔不和嘅傳聞就鬧得最犀利。日前事件又再次喺討論區被提起，Yanny疑似因為呢件事，喺社交平台大問7個為甚麼。

同場加映：新歌《Elevator》丨Edan疫情停工無損心情被妹妹嫌煩 反差魅力狂吸粉：我會好好把握

{{hket:ul-video id="5576"}}{{/hket:ul-video}}

Yanny影咗一張維港海景嘅相，留言:「為甚麼大家不能夠善良一點？為甚麼大家都要把最狠的說話說在人前？為甚麼大家不能體會別人的感受？為甚麼網絡總是在欺凌別人？為甚麼不能好好利用這個地方？為甚麼總是要把不幸擴散？為甚麼要人身攻擊別人？己所不欲，勿施於人。不要再說食得鹹魚抵得渴好嗎？做每一份工作都應該有基本的尊重，無論你是甚麼行業，你都應該得到別人的尊重。」

{{hket:inline-image name="244468010_370394328119907_2391394640923531797_n.jpg"}}{{/hket:inline-image}}

唔少網民都留言表示支持佢，叫佢唔使理太多外界嘅惡意評論，不過，有一位網民扮Heidi第一身留言：「為甚麼你這個x八搶我男人重（仲）搞散個團。」呢位網民成功爭取到Yanny親身以大篇幅回應佢，言語中仲有啲激動：「老實說，我根本不需要花時間跟你解釋甚麼。我連你是誰我也不知道。但這是我的社交平台，我亦不介意花一點時間回覆你。『你所說的都不是事實！』事實是，我從未做過這樣的事；事實是，我很少為自己反擊，我希望和平；事實是，無論實情是甚麼，也不關你的事。」Yanny寸爆呢位網民，叫佢將時間用喺令自己變更好嘅地方上。

Heidi早前在社交平台開直播時被網民問到組合解散一事時，對住鏡頭傷心爆喊逾10分鐘，Heidi表示自己唔捨得，又話拆夥都好大壓力，以自由身作個人發展需要好大勇氣。然而有網民就於討論區話Heidi假惺惺，指佢一早已經想自己發展，又同Yanny不和，成個組合都貌合神離。Heidi為自己澄清︰「有單頭job接唔代表要單飛，更何況公司安排的工作，我可以唔接嗎？（我最想又有單頭job又有組合job，兩邊都有收入呀！）2018年開始大家已經決定咗各自追求所想的，所以真係唔係你哋所理解的，拜託唔好再曲解事實。」

Super Girls成員之一的Aka，亮相ViuTV節目《晚吹-有酒今晚吹》時，又直認曾有組員為爭仔而擘面，覺得自己沒有做好隊長責任而自責。Heidi事後受訪時表示同Yanny而家關係「冇乜嘢」，直認當年有嘈過交：「到而家都冇嘢，其實個個都會嘈交，我哋一隊女子組合，話冇嘈交都唔好信啦！點都有！」不過佢就話同Yanny以及Jessica都好少見面。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】