諸朋好友︳陳定幫當年想用婚姻綁實戴夢夢 「有時啲嘢唔work就唔work」

風水玄學家陳定幫、林盛斌（Bob）及范振鋒昨晚（10日）接受《諸朋好友》主持人崔建邦、麥美恩訪問。陳定幫同范振鋒各自的美滿婚姻，原來全靠有「金牌媒人」之稱的Bob一手撮合。其實陳定幫同楊錳霏結婚之前，跟戴夢夢有過一段情，還發展到談婚論嫁階段，可惜臨門一腳卻「撻Q」，二人分手收場，如今各自擁有另一半，戴夢夢去年宣布下嫁金融才俊。

{{hket:inline-image name="04111001.jpg"}}{{/hket:inline-image}}

{{hket:inline-image name="04111003.jpg"}}{{/hket:inline-image}}

同場加映︰愛回家丨島大書蟲林浩文 羅永健 吳卓衡靠面油頭皮怪造型入屋 感恩有代表作：繼續追夢唔怕捱

{{hket:ul-video id="5575"}}{{/hket:ul-video}}

陳定幫是2012年同戴夢夢分手，有報道指女方向舊愛索取100萬禮金，傳有人劈腿令婚事告吹，陳定幫有回覆傳媒，聲稱百萬禮金是以訛傳訛，他和戴夢夢是性格不同，於是和平分手。戴夢夢之後的感情生活很精彩，2015年被影到同太極鼓手朱翰博（Ricky）拍拖，最爆是他們在街頭吵架時，戴夢夢激動得在Ricky面前除裙，成為一時熱話；戴夢夢同Ricky經歷離離合合還是分開，2021年情歸圈外男友Kyle。

{{hket:inline-image name="lowbeebee_250704406_286188503383211_1020848257542120013_n.jpg"}}{{/hket:inline-image}}

{{hket:inline-image name="dreamon_mon_246220919_1105918293551369_4722353915584492555_n.jpg"}}{{/hket:inline-image}}

諸朋好友丨伍允龍戀鍾嘉欣遭TVB棒打鴛鴦 自爆帶女友見安志杰嫌疑人係...【下一頁】

同戴夢夢分手之後，陳定幫經Bob介紹下認識楊錳霏，他們於2014年結為夫妻，育有一對女兒。主持人崔建邦提到陳定幫在遇到現任太太之前，曾經有過一段不開心的感情，問身為風水玄學家的他，是否預測到自己會遇上這件事？身旁定Bob、范振鋒笑言不敢提這件事，Bob仲搞笑問陳定幫會不會畀老婆殺死；而崔建邦雖然表明不會公開舊愛名字，但大家都知道是講戴夢夢。

（↓點擊圖片放大↓）

陳定幫表示：「我最差嘅宮位就係夫妻宮，係一早已經知，唔通斬腳趾避沙蟲。（有無得解決？）我都想拍拖，因為你始終係血肉之軀，會想談戀愛……咁拍拖嘞，然之後你畀人hurt，我抽離咗之後佢又𠱁番你，到最終你好似發覺有啲人唔work就唔work。（因為對方是圈內人而令關係複雜？）我都發覺係，我唔多適合同圈內人拍拖。（圈內人好壞？）咁又唔係，都有好人，係咪先？我哋散過一排，然之後類似畀佢箍煲又箍番，跟住到最後一次，嗰時有諗談婚論嫁，有諗用呢一樣嘢去令到大家穩定啲。（多數是女方用來鎖住男方？）但係調番轉，你明唔明？跟住諗諗吓，有時啲嘢唔work就唔work，嗰一年我事業上開始有少少成長，又開始有自己嘅修行，打坐的確令我有少少甦醒咗，即係諗通咗啲嘢，然之後好安靜地，冇咩負面情緒，我就話我哋不如唔好結婚嘞，真係咁樣同佢講……（對方反應如何？）當然係有啲嘢證明到畀佢睇，好似真係唔係咁啱。結婚本身出發點係想大家綁住大家，大家安心啲，唔好諗咁多嘢，但其實咁樣唔係咁好。」

娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】