諸朋好友│錢嘉樂拍戲遭汽油彈燒傷變豬頭 眼濕濕憶母親醫院探病表情反應

錢嘉樂和哥哥錢小豪昨晚（4.24）為節目《諸朋好友》擔任嘉賓，接受主持人崔建邦、陳凱琳訪問，兩兄弟提到兒時生活，同入行做動作演員嘅辛酸史。

嘉樂好鍾意跟住哥哥小豪，一樣未讀完書就入娛樂圈。而佢最難忘去菲律賓拍「大哥大」洪金寶嘅電影《東方秃鷹》受傷，中汽油彈意外燒傷全身入院；媽咪由香港急飛到當地醫院時，其表情令兒子印象深刻，甚至改變人生。嘉樂因而暗暗許下承諾，唔想令媽咪擔心，以為佢拍戲會不停受傷。

{{hket:inline-image name="04251009.jpg"}}{{/hket:inline-image}}

{{hket:inline-image name="04251008.jpg"}}{{/hket:inline-image}}

多功能武指丨錢嘉樂不解溫柔到學懂製造驚喜 默默耕耘網民讚真「獅子山精神」【下一頁】

嘉樂和哥哥小豪係「屋邨仔」，兩兄弟相差2歲，幾兄弟姊妹中感情最好。二人早年就讀同一學校，小豪鍾意爬山、養龜、賽車及拍戲，做細佬嘅嘉樂就跟住去做。嘉樂自爆父母偏心自己，佢笑笑口，「我記得去台灣旅行剩係帶我去，到後期先發覺，怪唔之得哥哥姐姐咁憎我，啲相全部得我！好記得嗰次旅行啲點滴，大個咗之後，知道要避免呢嘢情況發生。」

而小豪的藝名是他的恩師、已故著名大導演張徹替他改，小豪說：「張徹係我恩師，係緣分，好細個爹哋抱我入戲院睇《獨臂刀》、《十三太保》，特別鍾意睇張徹導演嘅戲，估唔到我考入邵氏，無幾耐就拍到張徹嘅電影！但當初我唔開心，接受唔到，賺好少錢，個名倒轉就係『錢小豪，好少錢』，因為小乜小物係北方名。」

小豪、嘉樂承認當年入行好辛苦，要重新去學習電影的動作和翻騰。形容身處1980年代初，當時係動作電影嘅戰國時代，隨口噏就數出有袁家班、張家班、劉家班、洪家班及成家班等好多代表人物；所以佢哋唔敢偷懶，好多動作親自上陣去做。

錢錢錢錢│錢小豪獲兩子驚喜送蛋糕慶生 19歲餅印細仔聽到關鍵字即笑【下一頁】

「大哥大」洪金寶是兩兄弟恩師及伯樂，小豪有一次與嘉樂去布吉旅行而認識洪金寶，返港後就接到電話邀請拍戲，他重演自己接到電話的一刻，「大哥話『小豪你搵日上嚟嘉禾，有部戲想搵你』，我驚喎，即時唔應承，同大哥講『我係邵氏人喎，你係嘉禾，簽唔到約』。同邵氏某個高層傾，佢叫我過去，話邵氏呢排產量唔多；我過去呢邊就停薪，拍半年就將合約延長半年。咁就撮合咗我跟大哥拍嘅第一齣電影《殭屍先生》（1985年）。」

嘉樂17歲入行，之後有機會拍到《A計劃》及《奇謀妙計五福星》，因而給洪金寶睇中及帶他去西班牙拍《快餐車》（1984年）。嘉樂一臉感慨，「哥哥比較好啲，但都係辛苦，佢一入行都叫主角。佢帶我入行，我做親都係跳樓、畀火燒嗰啲，就算觀眾睇到都唔知係我！我同自己講，唔希望阿媽知道我拍戲就係咁……我拍《東方禿鷹》時，6個汽油彈喺船上爆，大哥數1、2、3，我要做反應，收order係聽到『3』先跳，點知爆破（人員）喺『2』嗰陣撳咗爆炸掣，boom！我喺火海之中，好痛苦！入咗醫院……」

（↓點擊圖片放大↓）

嘉樂講到眼濕濕，「意外發生後，嗰晚大家收咗工嚟探我，大哥、彪哥（元彪）、午馬同樓南光……樓南光把口一路keep住咁衰，話現場阿邊個以為我走咗（離世）！我好傷，包到實晒，惟有『騎騎騎』，苦中作樂，唔想（氣氛）咁僵。唔知係嗰晚定第二晚，突然有人敲門，就見到我哥哥。原來香港報紙已經出晒『香港電影《東方禿鷹》 菲律賓發生意外 工作人員危殆』，阿哥即刻夜機帶阿媽嚟……爆炸意外後，我無咗眉毛，有啲水泡，兩隻手包實晒（小豪話認唔到嘉樂，個頭脹大咗，唔似樣。）……我見阿媽一行埋嚟，即係嗰個反應呢，好真實，之後佢笑一笑……我同自己講，唔想阿媽錯覺我拍戲係咁樣。後期我憑《烈火戰車》攞獎（1996年《香港電影金紫荊》「最佳男配角」獎），呢次可以話畀我阿媽嘞！」

撰文：梁榮達

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

Super5│麥大力領哥基犬做任務被咬傷 孖女神下海 網友認錯係賈思樂？【下一頁】