奧比斯×SmileyWorld×天仁茗茶 慈善曲奇「讓快樂起飛」

奧比斯肩負全球防盲和救盲嘅使命，一直獲得唔少人支持，黛安知道，奧比斯為慶祝成立40周年，今年特別以「讓快樂起飛」為設計概念，再度聯乘「SmileyWorld」及台灣茶飲品牌「天仁茗茶」，推出香港限定手工曲奇作慈善義賣，義賣嘅收益喺扣除成本後將全數撥作奧比斯全球救盲行動，盼繼續為有眼疾嘅病人點亮世界。

義賣手工曲奇每盒售$200，100%香港製造兼全人手烘焙，仲配上鬼馬Smiley嘅笑臉，每盒有40塊，共6款口味，如特級綠茶、鐵觀音、黑芝麻等，甜而不膩。

除可透過奧比斯網店【按此瀏覽】購買，亦可到香港站、灣仔軒尼詩道、德福廣場、又一城、連城廣場及荃灣千色匯，6間指定香港天仁茗茶分店購買。即日起至本月31日，每買一盒手工曲奇，香港天仁茗茶仲會送一杯招牌913茶王（中杯），數量有限，送完即止，大家記得多多支持呀。