38歲羅鈞滿廣州開茶飲店做老闆 曾醉駕兼偷食被封「負評王」

38歲嘅羅鈞滿自2016年離巢TVB後，便北上發展。佢喺內地拍過幾部網劇，更曾一嘗男一滋味，可惜幾套劇反應不如預期。近日佢喺微博更新近況，原來佢同廣州一班年輕人一同創立全新茶飲品牌，升格做老闆，生意仲似乎唔錯添。

{{hket:inline-image name="66b090acgy1h02miva65qj20rs15odms.jpeg"}}{{/hket:inline-image}}

同場加映：《Mr. Stranger》｜Anson Lo曾壓力爆煲憂達不到外界期望 喜見MIRROR12子各有發展路向

{{hket:ul-video id="5381"}}{{/hket:ul-video}}

羅鈞滿上載新舖開張的照片，可見開張當日人頭湧湧，不少粉絲和朋友到場支持，「『茶運亨通』帶著滿滿誠意和大家見面啦，每一款都是由推薦官本人悉心調製，只為調出大家最愛的味道！感謝到場支持的每一位粉絲和朋友！」相中亦可見有不少粉絲找羅鈞滿合照。

佢又指為調製出大家喜歡嘅茶，每天試成三四十杯，「工欲善其事，必先利其器。要創立全新的茶飲品牌，我們團隊走進『茶飲之鄉』，為的就是要調製出你愛喝的茶。」

羅鈞滿受訪時表示外賣生意發展蓬勃，亦接到不少訂單。但原來佢除咗做老闆外，最近亦簽約內地唱片公司，準備出新歌，藝人及茶飲生意兩兼顧。去年9月，佢曾經現身大灣區中秋電影音樂晚會《灣區升明月》，同譚詠麟及趙浚承合唱歌曲《朋友》。

羅鈞滿在2009年藝員訓練班畢業後，都曾遇上好角色，好似《天與地》飾林保怡青年版，仲有《點解阿Sir係阿Sir》嘅學生「張柏」，可惜佢嘅個人行為令前途盡毀。2015年，羅鈞滿被影到背叛拍拖四年嘅「新聞之花」張文采，到夜場偷食空姐；同年又爆出喺韓國飲醉酒，周圍撩女仔兼偷影裙底，最後被當地扣留兩個月，返港後又接二連三因醉駕被停牌，種種新聞令佢被封「負評王」。

{{hket:inline-image name="34.jpeg"}}{{/hket:inline-image}}

經歷人生低谷後，羅鈞滿於2016年離巢後，決心重新出發，曾投資六位數同朋友夾份開糖水舖做老闆，可惜半年後因經營理念不同選擇退股。最後羅鈞滿選擇北上發展，拍過幾套內地劇同網絡電影，好似《大清神捕2》仲係做「男一」演皇帝，可惜幾套劇反應不如預期。

【仁心解碼II】羅鈞滿曾醉駕衰偷食背叛張文采 北上發展冇起色回流拍片做網紅【下一頁】