人夫放假約出去滾丨袁偉豪被指嫁張寶兒唔憂做 「結婚係唔想重複上段關係發生嘅事」

林盛斌（Bob）主持的訪談節目《人夫放假約出去滾》第五集嘉賓是袁偉豪，他們一邊打邊爐、一邊傾演藝事業和感情事。袁偉豪直言自己不是愛交際的人，曾經有段時間瘋狂打邊爐，結果驗出尿酸超標，慢慢學懂少食多滋味。Bob直言袁偉豪以往甚少出席交際飯局，袁偉豪解釋：「我知我就算去到，都係坐埋一邊，咁情願唔去，返屋企休息。」

同場加映：家族榮耀丨梁靖琪為囝囝再懷孕不刻意追女 明知香港成長較辛苦但不考慮移民

{{hket:ul-video id="5391"}}{{/hket:ul-video}}

結婚一周年│張寶兒稱天生唔係做家務嘅材料 袁偉豪：娶你係賺到人生第一桶金【下一頁】

{{hket:inline-image name="272469944_282529923868413_5314771730570180043_n.jpg"}}{{/hket:inline-image}}

{{hket:inline-image name="272752152_241085134890616_8269950311067057908_n.jpg"}}{{/hket:inline-image}}

{{hket:inline-image name="YUEN1.jpg"}}{{/hket:inline-image}}

袁偉豪表示初初入行做模特兒，拍攝完維他奶的廣告之後，未有在學校成為風頭躉，反而感覺同學們細聲講大聲笑。後來，他有機會涉獵電影，由於未定性，他自嘲將外表搞到鬼五馬六，又留長頭髮、又爆炸頭等，「當時拍好多劉偉強同王晶大哥嘅戲，獲益良多，冇嗰幾年自己，冇沉澱幾年，我亦入唔到TVB。」袁偉豪指自己19歲就擁有第一部車，「當時買了一部『掃把佬』（SUBARU），幾萬蚊首期阿媽畀，點知供唔夠三個月，我就同阿媽講想賣車，因為擔心之後保險一定好貴，後來將架車讓畀我阿爸，佢續供佢管有，我有需要先問佢借嚟用，算係家人另一方面支持。」

袁偉豪稱後來加入TVB後，由掃把佬換成沉實型的凌志，不過不足兩個月就再換成跑車，「因為你喺路上太斯文係會被人蝦，人善被人蝦就係咁解，（所以搵架車惡啲？）自己爽咗先囉，亦突顯到個人性格！」

把關者們｜袁偉豪被刪戲呻對大結局感失望 TVB「補鑊」播足本爆喊solo戲【下一頁】

至於感情方面，袁偉豪提到太太張寶兒時都讚口不絕，「佢每一件事都好真摯，特別係將我嘅爛Gag抬到好高，無聊事佢都可以好開心。」他憶起當年飛到非洲拍攝，在一次內陸機機場準備轉機，張寶兒突然上前講句：「你都幾鬼佬呀喎！」令他深信張寶兒欣賞自己。後來兩人返港正式開始拍拖，袁偉豪大讚張寶兒照顧他和家人都非常之好。「點解會結婚，其中一個重要原因係因為我唔想再重複前一段關係發生嘅事。上一段感情本身想低調，但因為記者朋友發現或者有人通風報信，你唔知點對策，事業上升時只能夠講我哋係好朋友。好啦到事業穩定，我選擇人生另一階段，好喇我認拍拖，甚至介紹：『呢個係我太太』，啲人就會比較，話我嗰時唔係咁講，明明上一個就好低調，而家呢個就曬恩愛......大佬呀唔關我事，你哋想我點啫大佬？」似乎他口中所形容的上一段戀情，正是他跟岑杏賢的一段情。

{{hket:inline-image name="YUEN3.jpg"}}{{/hket:inline-image}}

他直言這種心靈鬱結花了一段時間都擺脫，特別是宣布結婚之後，有不少「唔好聽」的說話，甚至有感這一行不要需要自己。「啲人覺得我同個環境幾好嘅女仔結咗婚，我就唔使做。剛剛拍拖，好多負面消息喺寶兒佢嗰邊，到後來結婚，輪到佢成長咗就安慰我，佢係我心靈上可以依靠嘅人，我可以喺佢面前做弱者，女生決定有時會比男人更勝一籌。女生同我結咗婚，估到大概條路係點，佢都疑問喺公司會唔會仲有位置畀到自己，好多人都覺得佢嫁咗啦！正如好多人都話我都嫁咗畀張寶兒，使乜做啫？」正正是這些挑戰，令兩公婆在私底下都互相支持對方。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉