如心廣場華懋商場為市民打氣 消費滿$350送「抗疫保健包」

目前大家都要齊心抗疫，最重要係增強抵抗力。黛安收到風，由今個星期四（10日）起，如心廣場或華懋集團旗下商場，包括翩滙坊商場、粉嶺名都商場、希爾頓中心、好運中心，只要喺同一商場內憑即日電子消費滿$350（最多2張同一參與商場而不同商戶發票），即可換領「抗疫保健包」乙份，數量有限，換完即止。

公關姊妹話，華懋集團商場準備嘅「抗疫保健包」窩心又實用，除咗包含快速抗原測試套裝、酒精搓手液外，更盛載多款養生保健食品，當中包括正官庄高麗參野櫻莓汁、正官庄EVERYTIME高麗參精，兩款產品都有助增強免疫力；此外，仲有好棧精選嘅桂圓（4両裝）、蟲草花（3両裝）及杞子（4両裝），全部都係養生保健嘅重要食材，可以潤肺及提高抵抗力。