city'super「清酒祭」 逾300款風味佳釀

黛安收到風，city'super下月10至23日舉行「清酒祭」，喺銅鑼灣時代廣場B1地庫中庭，更有以日本觀光巴士設計嘅期間限定打卡熱點「清酒導賞專區」。

city'super揀咗逾300款風味嘅佳釀，當中最矜貴嘅屬全球產量僅300瓶嘅「掌上明珠熟成大吟釀」（$5,200），係經過長達28年嘅冷藏熟成，味道自然非同凡響。另外，現場仲有多款和風果酒出售，例如「出羽櫻山形蜜桃果酒720毫升」（$198）。

另外，由即日起至下月4日仲可憑$699選購「清酒祭2022預購套裝」；喺網店單一消費購買最少6支「清酒祭2022」指定清酒，更可享88折㖭，詳情可留意city'super嘅宣傳。