前亞視小生甄志強（小強）曾轉行做教高爾夫球，近年久不久在劇集中出現，曾客串ViuTV《詭探》及網劇《PTU機動部隊》，給觀眾帶來一點驚喜。他日前和亞視之友楊玉梅接受港台《一起走過》楊紹鴻、寶珮如訪問，分享當年入行後的起起跌跌，由加入亞視就做男主角講起，中途拍劇做展昭卻撞斷骨，搞到無得拍《再見艷陽天》，幾年後過檔TVB因人工少而要轉行。
同場加映：曬ya馬拉moi丨張慧儀為保護心臟病養子做長氣媽 Hanson性格太單純：唔鼓勵拍拖
{{hket:ul-video id="5312"}}{{/hket:ul-video}}
{{hket:inline-image name="680d37begy1gnggtrmfkyj22a83wknpe.jpg"}}{{/hket:inline-image}}
{{hket:inline-image name="680d37begy1gkvs6szv1mj20hs0qoq45.jpg"}}{{/hket:inline-image}}
小強加入娛樂圈原來同跆拳道師兄，現已貴為荷里活導演的鄭繼宗有關，「當年我喺TVB讀武術藝員訓練班，本身係跆拳道香港代表隊，代表過香港去韓國打世界賽，師兄鄭繼宗提議我哋去試吓，TVB有幾個訓練班，有武術藝員、普通藝員、舞蹈藝員同埋幕後工作人員，覺得武術藝員多一樣嘢，師兄就話揀武術藝員。」後來鄭繼宗問他要了一張3R相，並填好表格交去TVB，結果有日在酒店返工時收到電話叫去面試，結果兩師兄弟順利加入TVB；他更放棄酒店副主管職位轉行做武師，因為自覺年紀輕可以嘗試新崗位，「都好大犧牲，當時人工同TVB相差一倍有多，但我都係放棄咗。（讀完無簽約TVB？）唔係，讀完就自動續約，一年生、一年死，結果所謂續咗一年，就『淆』咗一年龍虎武師，以前做過一次替身都好辛苦，記得替羅樂林拍古裝。其實都有好處，入咗亞視拍咁多古裝，都覺得好有幫助，刀槍劍擊、翻打跌撻，有時同武術指導度招會比較易上手，跳彈床都會自己做。」
談與富婆無疾而終原因 甄志強看化人生返港做公益【下一頁】
早期小強未有留在TVB發展，曾外闖轉做模特兒，直至1993年亞視開拍《新香港奇案》的單元溶屍案，獲蕭鍵鏗推薦給監製佳哥，「佳哥見到我好似眼發亮咁，好似搵到人咁，我話未做過戲，可能講對白唔係咁好，即管去嘗試吓，同楊玉梅就去對戲。結果第二日亞視打嚟話想同我簽約。佳哥亦好好人，知我係新人好多嘢都唔識，佢特登諗咗一樣嘢，問我肯唔肯剃頭，特登剃個禿頭樣，成個造型做到好似新聞主角咁樣，又整副一模一樣嘅眼鏡，成個外形似晒。（本身都鍾意做戲？）都想嘗試吓，因為離開TVB之後做咗幾年模特兒，好好彩有好多廣告出街，佳哥有睇過我啲廣告，於是聽蕭鍵鏗搵我。拍《新香港奇案》時又好開心，鄧浩光同麥景婷又好照顧我，會話畀我聽做演員要喺劇本mark住自己著咩衫，仲要自己做功課，對白有唔順就自己修改，嗰時仲係用緊手抄劇本。」
一起走過︳吳毅將對唐麗球一見鍾情勁有Feel 憶拍三級片露股：做演員算得乜嘢【下一頁】
小強加盟亞視後作品不少，並成為當時力捧小生之一，1994年於《碧血青天楊家將》同《碧血青天珍珠旗》內飾演展昭一角，可惜在拍攝途中意外跌斷舟狀骨，要打石膏9個月，失去參與經典劇《再見艷陽天》的機會，角色最終由林韋辰接替。小強說：「係自己唔小心，無辦法，當時嗰頭拍就嗰頭出街，因為唔夠瞓，嗰晚又要開夜班，有幾個動作戲需要跳彈床，我要後空翻再落Tatami，落地時人就喺Tatami，隻手就出咗外邊，開頭以為自己甩骹，托住隻手上白車去醫院。醫生話係舟狀骨斷咗，呢嚿骨係最小血管流通，所以新陳代謝慢嘅時候，呢嚿骨係生得好慢，之後每3個星期要照一次X光，睇吓有無埋口跡象，個幾月都無埋口就決定做手術，而家仲有粒螺絲喺度。當時醫生話最快半年或9個月先好得番，結果打咗9個月石膏，瞓咗喺屋企開唔到工，當時齣劇仲未拍完，照返去拍文戲，打戲就搵替身幫我打。」
（↓點擊圖片放大↓）
- {{hket:inline-image name="1_602.jpg"}}{{/hket:inline-image}}
- {{hket:inline-image name="20220221143255.jpeg"}}{{/hket:inline-image}}
- {{hket:inline-image name="680d37begy1gagww66kzrj21k00vidn3.jpg"}}{{/hket:inline-image}}
- {{hket:inline-image name="02211001.jpg"}}{{/hket:inline-image}}
- {{hket:inline-image name="680d37begy1g8ia0o7rbdj22ds1sgkjp.jpg"}}{{/hket:inline-image}}
- {{hket:inline-image name="1024_d163b2f16f32f11897971a67ffd7867b.jpg"}}{{/hket:inline-image}}
- {{hket:inline-image name="1024_0d79cbc50fa7f142d12a8bc145600dce.jpg"}}{{/hket:inline-image}}
- {{hket:inline-image name="1024_019547689cc70747c73384d4908af799.jpg"}}{{/hket:inline-image}}
- {{hket:inline-image name="680d37begy1ggwg5lysagj218y0u044w.jpg"}}{{/hket:inline-image}}
主持人追問當年為何離開亞視？是否掛住拍拖？小強話：「唔係掛住拍拖，嗰時亞視又換老闆，成個製作部裁走。（當年好風流？）唔係好風流，一啲都唔風流，我好專一嘅。我係約滿唔續約，有段時間係離開與未離開之間，係簽了兩個戲嘅騷，拍4個月左右就拍晒，成年就唔使無工，公司亦都無再開戲，時間多就去學高爾夫球，又考咗個教練，唔使開工會去教波。（後期去過上海發展？）係，嗰時離開晒所有電視台，直情有諗住轉行。我曾經返過TVB一段時間，又唔係做得咁開心，好似有我又得，無我又得，同時間又搵唔到錢。老實講，當年喺亞視份人工都ok，問題係食飯搭車嘅錢都唔夠喎，又要養車同供樓，一年搵得個三幾萬，你話喺呢間公司做咩呢？（工作量少？）可能係，於是乎唔想再喺度，好彩遇到個做生意朋友，嘗試喺元朗做餐廳，做咗大半年摸到模式，而朋友好希望國內搞，希望再搞間大啲。（TVB的打擊好大？）都係㗎，令我好灰心。（在亞視始終一線主角？）可能係工作量唔夠，令我捱唔到生活，當年養架車都成萬蚊一個月，又要去供樓。」小強近年亦有戲癮，指當日是應好友秉詹秉熙邀請，臨時拉夫幫手拍ViuTV劇集，拍《PTU機動部隊》是因為覺得故事寫得好。
撰文：梁榮達
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】