一起走過︳金像獎女配角陳麗雲靠支筆賺層樓 創作英文版粵曲《王昭君》

金像獎最佳女配角陳麗雲日前聯同譚少英，接受《一起走過》楊紹鴻同寶珮如訪問，分享她靠閱報及聽電台節目自學中文，成功憑一支筆去寫劇本賺到層樓外，又講到當年如何創作英文粵曲短劇《王昭君》的經過等。

{{hket:inline-image name="12201001.jpg"}}{{/hket:inline-image}}

{{hket:inline-image name="12201002.jpg"}}{{/hket:inline-image}}

同場加映：青春本我丨張馳豪潘靜文成熒幕CP互爆缺點 犧牲學業愛情整裝自己追趕步伐

{{hket:ul-video id="4919"}}{{/hket:ul-video}}

陳麗雲於2008年憑《天水圍的日與夜》，榮獲第28屆香港電影金像獎最佳女配角，演技早已得到外界認同，但她本身是演員身分外，原來亦是一位編劇，曾創作300多集劇本，而首個30集的播音劇本《姑媽》，男主角是大家都熟悉的炳哥譚炳文。被追問到個人學歷背景，麗雲姐話：「講出嚟相信無咩人信，我學歷只係讀過一年幼稚園，未讀過小學，但係我寫咗300幾集劇本同播音劇，又出過詩集同散文，仲有寫過雜誌專欄。（不識字如何寫劇本？）係迫出嚟，我爸爸好鍾意仔，但我媽媽生第一個係女，第二個就係我，於是好憎我，特登唔畀我讀書，個個睇你唔起，無書讀，呢個人有咩用…，結果我就話一定要出人頭地，你唔畀我讀，我就自己去學，總之有好多問題，一路到今時今日都係學緊嘢。當中請我寫雜誌嘅老總，以為我係中文大學文科畢業，我交咗兩編稿後約食飯，佢話因為我以前好多作品，傳媒叫我做『麗的才女』，佢就好有疑問，想知我讀咗幾多書，同一位資深記者研究我啲文筆，兩個都一致認為我係中文大學文科畢業，話理科、工科寫唔到呢啲文筆，佢仲問我估得啱唔啱。」

一起走過｜陳秀珠入行選美為見偶像繆騫人 曾被蕭亮開咪用三字經鬧爆【下一頁】

麗雲姐小時候是很有天分，當年幼稚園是高、低班同一間班房教學，老師叫高班同學背書，可是第二日無人成功，身為低班的她突然站起身背了出來，原來當時她雖然在學寫字，心卻是聽住老師教高班的文章，於是老師帶她去見校長，大讚她很有天分，認為不要浪費時間，直接升班讀高班。至於日後如何識字，她說：「點樣去學，以前香港電台逢星期四有個節目叫《特備中樂》，係講粵曲，每次播出之後，報紙會登晒曲詞出嚟，我就會睇住報紙去聽呢個節目，咁樣就識到啲字，然後知道粵曲唱法，一路一路咁學。」

一起走過｜陳煒早過王丹妮扮演天后梅艷芳 遇見梅姐獲本尊親口正面評價【下一頁】

自強不息的麗雲姐當年在電台「麗的呼聲」抄劇本，酬勞是5元一集，「我唔會就咁搬字過紙，會研究人哋啲劇本點寫，有次抄一個劇本，明明係你同我講緊嘢，無端端寫咗同另一個人講嘢，完全唔啱個劇本，因為編劇隨時會寫幾個戲，搞到亂晒，但個節目聽日就錄音，若果照出街就搞散齣戲，諗來諗去，於是膽粗粗改咗佢。」想不到因為這次大膽決定，公司沒有作出責備，反而給予機會去寫劇本，講明寫錯都不會鬧她，而酬勞是30元一集，首個30集的播音劇本《姑媽》在新加坡大受歡迎，獲4間英文報紙訪問，封她做編劇王后。追問為何不在編劇方面發展？麗雲姐話：「支筆就寫咗間屋番嚟，唔係好勁，因為嗰時啲樓好平，美孚新村一個580幾呎單位，賣3萬元一間，用現金買就2萬7千元。間屋最初係月供215元，唔係同銀行借貸，同地產公司做按揭，供14個月後就入伙，入伙後就月供300元。」

（↓點擊放大睇圖片↓）

提到用英文唱粵曲的短劇《王昭君》，麗雲姐表示：「點解會有呢個版本《王昭君》，以前有一個時期，香港啲人講嘢時3句入面有2句英文，有次喺休息室吹水時，大家講起王昭君和番時講英文定中文呢，此話一開講唔停，講講吓話用嚟寫個趣劇，對白用英文但中文文法，再用粵曲樂譜去寫，啲人話我又識寫又識唱，於是叫我去寫。我哋寫咗就交咗畀公司，係諗住玩吓、無諗住會用，點知公司提議做，正式出街時我就做王昭君，播出後節目部收唔少電話，話好好玩，叫我哋應該做多啲呢類節目。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="APP1.jpeg"}}{{/hket:inline-image}}

{{hket:inline-image name="APP2.jpeg"}}{{/hket:inline-image}}

{{hket:inline-image name="APP3.jpeg"}}{{/hket:inline-image}}