一起走過｜陳秀珠入行選美為見偶像繆騫人 曾被蕭亮開咪用三字經鬧爆

陳秀珠日前接受《一起走過》楊紹鴻同寶珮如訪問，由1979年她選港姐開始講起，原來入行是為見其偶像繆騫人；又提到早期報道節目時太多懶音，被前輩蕭亮在控制室開咪用「三字經」鬧，以及當年未婚產子一事等。

{{hket:inline-image name="6f1b3de2gy1gwc7rjnif0j21400u0wnm.jpg"}}{{/hket:inline-image}}

{{hket:inline-image name="12131004.jpg"}}{{/hket:inline-image}}

同場加映：十月初五的月光｜ 姚嘉妮恨見「萬朱莎華」陳曼娜 擔心角色太衰 擬去泰國避風頭

{{hket:ul-video id="4873"}}{{/hket:ul-video}}

陳秀珠下巴位置有粒很明顯的癦，可謂是她的個人標記，珠姐笑說：「講起粒癦，有時我好想脫鬼咗佢，人哋講係『食癦』，而我真係為食，所以keep住佢。好多時有人喺街見到我，會叫我陳寶珠又陳秀雯，我就話唔係，佢哋就話認得我粒癦，哈哈哈。」至於當年選港姐及入行過程，珠姐原來先是被「鬼才星探」趙潤勤發掘拍廣告，後來為見偶像繆騫人而去選港姐，「我先係喺街畀人捉去拍廣告，趙潤勤係我嘅伯樂，係第一個搵我拍廣告，之後選美係想見偶像繆騫人，我好鍾意佢，於是去試吓，點知我選到佢就走。（當年獲得第幾名？）永遠都話自己係第4名，因為係無公布出嚟……梗係唔係真，我算係大熱囉。我哋嗰屆好勁，冠軍係鄭文雅，季軍係鍾慧冰又有鍾楚紅。」

單對單丨陳秀珠未夠廿歲訂婚終打退堂鼓 後悔單親誕子：小朋友覺得有缺失【下一頁】

珠姐指選完港姐後無入行，反而返航空公司工作，久不久拍廣告；直至有無綫高層叫她去試鏡，獲得機會在《K-100》內報節目。由於珠姐識得當年仍是導演的潘嘉德，見對方調去戲劇組時趁機會求角色演出，「當時成日做報道好悶，有個八婆秘書角色問我做唔做，係做葉德嫻的秘書，專係講人是非，記得拍嗰時係好驚，但出嚟唔夠『八』，德哥仲叫我要『八』啲先得。我無讀過訓練班，其實我好想讀，始終係選美入行，途徑比其他人係快啲，加上我做過《K-100》同《體育世界》，大家以為我口齒伶俐。記得報節目嗰時畀蕭亮鬧我，因為蕭生係好咬文嚼字，我哋又好多懶音，佢加埋啲三字經入去鬧人，仲有時撳咪落嚟鬧，佢要求高係啱，但本身我新入行已經好驚。（入行拍劇最驚哪一個武術指導？）鼎爺（李家鼎），因為佢個樣又惡，但係佢嘅惡係想你做得靚，佢係惡但ok。唔知對其他人係咪一樣，但對我係ok，有時佢都會識錫住人去教。」

一笑渡凡間│陳秀珠單親媽媽獨力湊大兒子成才 「單身好處係學識不去依賴別人」【下一頁】

珠姐現時同無綫已沒有合約在身，但中間曾兩度離巢過馬來西亞發展，亦從未過檔香港其他的電視台，「由80年到而家，中間試過完約去馬來西亞拍戲，大約年零左右；90年到95年又走過一次，去馬來西亞做生意。因為以前男朋友係馬來西亞人，跟佢一齊過去做四川小吃的快餐生意，當時想做到中式麥當勞咁，但無諗過馬來西亞大部人唔食豬肉又好多限制，跟住最致命原因係四川廚師年幾左右話思鄉要走，主要係幫唔到佢哋家屬做簽證，所以辭職唔做，惟有訓練當地師傅，但始終都係爭啲，出嚟品質無咁好。」

（↓點擊放大睇圖片↓）

問到21年前未婚生子，可是小朋友至今不知爸爸身分，她說：「有咗咪生囉……我決定咗啲嘢，就會勇往直前。所以我要加倍保護佢、愛佢，佢讀到小學先至過去美國。（一個人過美國？）唔係，我有陪佢㗎，每年留喺美國半年時間先返嚟做嘢，我有啲朋友喺嗰邊會照顧佢，出外靠朋友。」她指這些同思想開放無關，有些事情是講時機，但承認是有掙扎過，最重要是自己負責。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="APP1.jpeg"}}{{/hket:inline-image}}

{{hket:inline-image name="APP2.jpeg"}}{{/hket:inline-image}}

{{hket:inline-image name="APP3.jpeg"}}{{/hket:inline-image}}