談與富婆無疾而終原因 甄志強看化人生返港做公益

人稱小強嘅甄志強身型高大健碩，佢嘅銀色旅途係由做模特兒開始，由於當時香港好少身形咁高大嘅做模特兒，所以當時嘅佢可以話係紅到發紫，曾喺超級模特大賽上連奪四獎，廣告合約源源不絕，之後因為更外型出眾被睇中去拍劇。佢喺亞洲電視被力捧，最為人熟悉係喺劇集《包青天》中飾演展昭，當時形象正氣威武，外型俊朗，深受觀眾歡迎。雖然之後意外斷手，後來休息一段時間之後，亞視又再立即捧佢做第一男主角。

{{hket:inline-image name="timg.jpg"}}{{/hket:inline-image}}

最來亞洲電視重組，令佢拍劇機會減少，工餘時間多咗，開始接觸高爾夫球運動，之後更當上高爾夫球教練。後來更跳槽到無綫，可惜戲分唔多，熬咗幾年，都係冇出頭機會，甄志強就創業毅然離開無綫開餐廳，轉行做生意。

{{hket:inline-image name="680d37begw6ddt1homd06j.jpg"}}{{/hket:inline-image}}

上年佢結束咗上海嘅生意，返香港做好多公益活動，佢話自己想回饋社會，唔係計較錢唔錢嘅問題，仲為音樂擔任監製、導演同演員。佢早前喺一個節目講到當年同大佢23年嘅富婆趙金卿相戀，最後無疾而終嘅原因：「當年仲係年輕，俾外間好多嘢影響咗，令我哋無疾而終，依家我因為信佛，學懂和諧與包容，（拍拖）我哋兩個人嘅事唔需要理任何人，唔需要理外間任何嘢。」佢仲透露依家自己都蜜運中，係一個好舒服嘅狀態。

{{hket:inline-image name="680d37begy1fvzhq5qm5cj22ds1sgnku.jpg"}}{{/hket:inline-image}}

{{hket:inline-image name="680d37begy1fwa24hmo00j22ds1sgkhi.jpg"}}{{/hket:inline-image}}

捐血救人。

{{hket:inline-image name="680d37begy1fyqwmvsy3uj22ds1sg1kx.jpg"}}{{/hket:inline-image}}

為《難兄難弟》音樂劇擔任監製、導演同演員。（地鐵Poster）

亦因為信佛，令佢整個人變得豁達，佢形容自己以前好執着，好想用最好嘅形象示人，但依家嘅佢，舒服最重要：「我又唔係大明星，曾經做過吓電視啫！」