萬梓良收翻版斷水流做最後門生 收林敬剛為徒誓捧紅「茄哩啡」

近年長居內地嘅萬梓良甚少參與香港嘅幕前演出，喺內地發展嘅佢越見大哥風範，喺圈中有一定地位嘅佢近年密密收徒弟，單係舊年已經最少收咗四個，當中包括綠葉演員林敬剛。日前有網民上載了一段萬梓良收徒的短片，萬梓良揚言曾參演內地電影《戰狼》嘅張永達會係佢最後一個徒弟。

同場加映：鐵拳英雄丨鄭世豪等足廿年終成正劇男配角 全心全意做演員：艱辛但美滿

{{hket:ul-video id="5277"}}{{/hket:ul-video}}

拜師片中貌似斷水流大師兄嘅張永達戴住拳套跪喺萬梓良面前，之後遞咗杯透明液體畀萬梓良，萬梓良接飲咗一啖，之後再拎另一支透明液體飲咗一啖，然後就突然噴向張永達塊面，再問：「醒了嗎？」張永達答道：「好」，拜師儀式「禮成」。其實萬梓良舊年年中已經收咗張永達為徒，當時佢發誓張永達將會係佢最後一個徒弟。而張永達就向師父敬茶，並講道：「謹遵師父教誨！」之後萬梓良拿出一疊利是，多次拍打張永達的額頭。

{{hket:inline-image name="_XwGYwAbG48p9Nbv0Bkus4EsIBT0TWP6oTPFBqEzxQY.jpg"}}{{/hket:inline-image}}

唔少網民對於表示唔理解，一嚟唔明點解要做兩次儀式，二嚟覺得「噴面」儀式似足驅鬼噴符水，非常騎呢，而且有欠衛生，如果有咩細菌病毒都一下中晒喇！

雖然騎呢，但其實好多人爭住拜萬梓良為師。去年4月萬梓良為內地電影《創業大贏家》進行開機儀式期間，突然收綠葉演員林敬剛為徒，更賜名為林犇。萬梓良拎出一疊一萬元人民幣銀紙畀林敬剛做見面禮，並用銀紙拍打對方頭頂。萬梓良對林敬剛承諾：「做咗咁耐咖哩啡，我冇面，由今日開始唔使再做咖哩啡啦，TVB唔用你就我用你，我用唔到你我仲有好多導演兄弟可以用你。」

之後萬梓良再收內地網紅王薛儼為徒，拜師當日萬梓良一杯酒兜頭淋喺徒弟頭上，並講：「一生富貴，跟着我，鐵了心，你還有很多師伯，師叔。」講完就飲了杯酒再扶徒弟起身，估唔到拜師都可以咁多嘢玩！

圖片來源：微博

撰文：黃蘊姿