惠康「食咗飯未」慈善行動 2000個愛心包送基層「加餸」

疫情肆虐，令基層市民嘅生計大受影響。黛安知道，惠康「食咗飯未」愛心米庫慈善行動喺農曆新年前，即1月20至23日期間發起「加餸啦！」活動，顧客凡購買指定御品皇優質食材，惠康即以配對形式捐出相同產品，並將慈善米捐款加倍。惠康仲安排車隊義工成員，將籌得嘅2,000份食材迅速送到7間慈善機構，再透過機構送到受助人手中。今次捐贈嘅農曆新年「加餸啦！」愛心包有6款應節產品，包括御品皇頂級泰國香米、御品皇腰果酥、御品皇雞蛋卷、御品皇純正葵花籽油、御品皇鮑汁海螺片及御品皇普洱茶，令受惠人士可以過一個豐足嘅新年。

惠康母公司DFI零售集團行政總裁麥殷話，樂見呢個慈善行動獲得顧客認同和支持，短短時間就籌得可供2,000個家庭過節嘅膳食，令受助人過一個豐足虎年。協助統籌是次派發活動嘅膳心連基金營運總監翁懿華都話，今次捐贈嘅愛心包食品可協助超過2,000個家庭，對支援社區起到關鍵作用。