一起走過︳吳毅將對唐麗球一見鍾情勁有Feel 憶拍三級片露股：做演員算得乜嘢

吳毅將日前孖老婆唐麗球（波波），接受港台《一起走過》楊紹鴻、寶珮如訪問，分享當年對老婆一見鍾情的情形，還講到當年拍三級片及過檔無綫的經驗。

同場加映：閃電傳真機丨張沅薇趁兩個仔長大復出幕前 常被認出最愛聽到：細細個就睇你

{{hket:ul-video id="5201"}}{{/hket:ul-video}}

{{hket:inline-image name="244302902_391464232531459_4882314151161780701_n.jpg"}}{{/hket:inline-image}}

{{hket:inline-image name="1024_e42bccb1079b7ba3878f6e8be0600b5d.jpg"}}{{/hket:inline-image}}

問到兩公婆當年如何認識，吳毅將先說：「可以講係幾老土，事後講番係一見鍾情，嗰時我同佢喺亞視清水灣片廠，喺化妝間同服裝間嗰條走廊擦身相遇，但嗰時大家唔識，有打個招呼、點個頭，之後拍拖有講番其實係嗰時開始…，所以有時啲嘢唔到你講，原來嗰時已經即刻撻著咗，已經係好深刻印象。」唐麗球笑言事後二人有重提此事，原來當時互相有留意對方。

吳毅將誤打誤撞報錯班入亞視 劉天蘭嫌棄「吳彩南」下令要改名【下一頁】

吳毅將再繼續爆料：「跟住喺出面一齊拍戲，我真係未試過咁緊張，同佢拍時我真係『震』…仲記得喺大排檔食碗麵傾偈，嘩，隻手喺度震，真係唔知點解對住佢就震，會有呢啲Feel！（「觸電」後無主動結識？）無，點會咁老土，後尾輾轉幾年後真係走埋咗一齊。」吳毅將同唐麗球於2003年拉埋天窗，同年誕下女兒Janelle，現已長大成人。

1984年香港小姐季軍│唐麗球與老公吳毅將一見鍾情 讚鐵漢柔情靠上門整水箱定情【下一頁】

昔日是亞視一線小生的吳毅將，代表作有《皇家檔案》系列，後期離巢轉戰電影圈，他話：「都係因為錢問題，有啲嘢有番咁上下付出，有時應該要攞番差唔多回報，覺得咁係好公平，但因為一啲相差嘅嘢，大家唔肯讓步，自己又有咁多年，就出去啦。一出去就有好多電影拍，我喺電視就全部正派、陽光（角色），跳出去就反派。（很大膽拍三級片？）只係套戲有呢啲成份，我唔係主角做嗰個、只係參與，睇番轉頭係全部有戲，例如《弱殺》做變態色魔殺人，而家都拍唔番…，出咗去就完全第二個形象出嚟，好開心。（曾經有全裸演出？）露Pat Pat啫，同陳雅倫拍《南洋十大邪術》有場所謂神交戲，嗰時係兩邊分開拍，見到我欏柚喺神壇作法嗰啲嘢，咁見欏柚就叫三級囉，其實覺得做演員呢啲算得乜嘢，係咪先？你哋成日睇外國片都係咁，又接受？好似中國人就放唔開…，好似我同王喜拍同性戀戲（1995年《心猿意馬》），你如果怕醜、唔好意思尷尬，對唔住，你唔好接，一定做唔到，就算做出嚟都假到死。」

（↓點擊圖片放大↓）

吳毅將中段短暫加盟無綫拍劇，可惜遇上亞視舊戰友卻感不快，「嗰時有好多亞視監製、導演同幕後過咗去TVB，當我入到去TVB時遇番佢哋，第一時間畀我感覺係失望，譬如我好興奮話『喂，咁多年冇見，監製、導演。』，佢哋就好冷（淡），只係答『過咗嚟呀…係呀，有機會拍嘢啦！』，感覺好似係我搲撈，佢哋唔清楚我係被邀請加入TVB，唔係我敲門，呢啲都唔重要，最慘係當時感受到佢哋啲面口，係好心淡。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="af67c90a-3b52-4522-9e3d-e5d0b6987ef3_600.jpg"}}{{/hket:inline-image}}

{{hket:inline-image name="8b77edc5-7914-4c3f-bbb1-1faaffd3a3cc_600.jpg"}}{{/hket:inline-image}}

{{hket:inline-image name="e4356b4d-c11e-41a6-bdd9-a9e3ca2efe9d_600.jpg"}}{{/hket:inline-image}}