1984年香港小姐季軍│唐麗球與老公吳毅將一見鍾情 讚鐵漢柔情靠上門整水箱定情

1984年香港小姐季軍的唐麗球近日接受香港電台《守下留情》節目訪問，大談她的成長背景、演藝工作及與丈夫吳毅將的相識過程，唐麗球笑言被稱為花名「波波」，除了因為球代表波之外，她由細到大都是肥妹仔一名。她說：「我好鍾意食嘢，曾經試過140至150磅，不過女仔到某啲年紀就會自動用唔同方法減肥。」波波表示從來不認為自己漂亮，不過青春期開始減肥，後來獲朋友介紹加入模特兒公司，接拍過不少廣告，公司安排她參選港姐，她說：「宣布三甲時，我已經諗定完騷之後要食春卷同雲吞，點知我得到季軍，我成個人呆咗，唔識畀反應。」問到她如何處置后冠，波波真性情說：「個后冠假呀，梗係冇鑽石啦，當年未有亞洲小姐，所以啲獎品好cheap，后冠都生晒鏽，後來有亞姐，啲禮物先至開始重手。」

【開工大吉77】唐麗球因無綫拒加$500人工離開 螢幕初吻獻莫少聰事後被「唱」【下一頁】

波波在無綫接拍不少劇集，後來因為薪金的問題拒絕續約，轉投電影圈，主持人梁禮勤和劉偉恒指最為人印象深刻的是《最佳損友》入面的「Happy」，波波說：「拍呢啲戲冇壓力，只驚被人抽水，對住呢班人要好小心，不過過程係好好玩。」後來香港電影業息微，不少女星都紛紛往三級片方向發展，波波收過不少邀請，她說：「當時好多三級片商搵我，但我真係過唔到自己，當然有掙扎過，眼見遲過我出道嘅都紅過我，又揸靚車，都有唔開心同情緒低落，幸好屋企人支持，我唔使行呢一步。不過唔剝就無戲做，後來去亞視，又去馬來西亞拍戲同周圍登台。」

「力量型變態佬」對老婆勁溫柔 吳毅將頑抗北方佳麗誘惑：日日都有【下一頁】

波波直言自己受媽媽的傳統觀念影響，結婚就不會考慮離婚，所以遲婚要要找個「靠得住」的另一半，她跟吳毅將結婚17年，至今都會手拖手逛街。被問到兩人的相識過程，波波直言在亞視只有一面之緣，但大家已經有過電的感覺，絕對是一見鍾情，後來拍戲開始互相認識，她形容：「大家都好怕醜，我同女朋友同住，咁啱廁所水箱壞咗，佢主動話幫我整，整完之後又問我仲有冇嘢要整。」沒想到水箱維修，令兩人正式開始拍拖，戀情打得火熱，就算波波要去馬來西亞拍戲，兩人的長途電話費高達3至4千元。

波波對吳毅將讚口不絕，她說：「佢好細心照顧我，當有小朋友之後，佢緊張過我九萬倍。佢係好有毅力同認真嘅人，劇本就算得幾場戲，佢都好認真去了解同消化，同我好唔同。好欣賞佢要做就一定要做到，就算我同佢鬧交時我走咗，佢總有方法氹到我返去。」波波指吳毅將非常寵愛女兒，不過女兒就比較親媽媽，事關自己一手一腳湊大女兒，她笑言：「佢唔想睇爸爸嘅戲，因為唔想睇爸爸被人打，因為爸爸多數演衰人。（個女去加拿大讀書唔捨得？）做媽媽心情好複雜，你想放手但又唔捨得，之前陪佢去完加拿大，個女話我走咗之後佢好痛苦，要重新適應冇我嘅生活，所以佢唔想我飛去陪佢。」

責任編輯：楊安莉