呢位演員，你就算唔記得個名，都會認得個樣。佢有一雙充滿殺氣嘅大眼同粗眉，彷彿畀佢「厲」一眼你就會大嗌「唔好殺我呀」；每次佢咧嘴而笑配合佢嘅笑聲，你都會覺得走唔出佢手指罅。如果你話鄭子誠出現一定有陰謀嘅話，你都會覺得有呢個演員嘅出現，一定有人失身。
電影《弱殺》截圖。
{{hket:inline-image name="77c6a7efce1b9d165cbe4db6f8deb48f8d5464e8.jpg"}}{{/hket:inline-image}}
電影《黑獄斷腸歌之砌生豬肉》截圖。
一出道做主角
堪稱為「大眾童年陰影」嘅吳毅將90年代活躍香港電影圈，因為佢健碩嘅身形拍被導演睇中而拍落唔少三級片，當中仲不乏全裸演出。不過原來吳毅將一出道已經係做主角，只係因為當時嘅一個決定，改變咗佢之後嘅演藝路。吳毅將喺拍完第一部劇之後參加咗一場足球比賽，佢喺比賽中意外斷腳，令佢被迫要停工一段長時間。後來佢因為咁錯失咗好多機會，輾轉下去咗拍電影。「奠定」佢「力量型變態佬」呢個形象嘅角色就係喺《弱殺》中飾演一個強姦弱智人士嘅「黐線佬」。雖然角色將佢之後嘅演出定型，不過幸好冇嚇怕已經嫁咗畀佢16年嘅港姐老婆唐麗球，結婚同一年仲同佢生咗囡囡梓希。另外仲有一個同前妻生嘅28歲女正思，提起家人，吳毅將嘅表情永遠都好溫柔。
同老婆一有機會就孖公仔。
{{hket:inline-image name="wnep080p01e.jpg"}}{{/hket:inline-image}}
阿女依家已經16歲。
素人聞「吳」喪膽
唐麗球完全冇畀老公戲內嘅形象嚇窒，大讚老公平時斯文又溫柔，同戲內完全相反，佢話自己都係演員，好明白都係一場戲，更加覺得老公演技好得。不過其實佢嘅脾氣都可以好剛烈。廿幾年前，吳毅將被尾隨私家車不停啄住，又閃車頭燈，結果佢突然喺機場隧道正中停車熄匙，然後落車同後面個司機講︰「落車！」當時唐麗球好驚會打起上嚟，但結果後面個司機見到係佢，已經立即不停講對唔住，誤會！誤會！吳毅將多年後講起，依然有火。吳毅將會衝動，不過都係講道理，唔係硬繃繃嘅人，佢話自己教小朋友都係要有禮貌。
{{hket:inline-image name="pphx_VI6E1FH0gjXqrQrj_XYm9fqTcCeJse0LibHtC4.jpg"}}{{/hket:inline-image}}
同內地「小鮮肉」演父子。
唔再做奸角
多年冇拍香港電影嘅吳毅將前年喺電影《追龍》再做奸角，王晶提議佢再拍一部血腥暴力電影，戲中變成一頭巨獸，四圍強姦女人，不過吳毅將拒絕咗。吳毅將只嘆香港電影人懶惰，冇人會考慮搵佢演正派，覺得冒險，覺得冇人睇。近年已經返咗內地發展嘅吳毅將已經成功「洗底」，甚少演奸角，好多時都演一啲小鮮肉嘅爸爸。吳毅將知道係偶像劇，做爸爸的都不可能太過巢皮又發福，所以都要保持自己有型靚仔，講真，57歲，都Keep得算係咁。
{{hket:inline-image name="7212ab6dgy1fdvzwt088lj20np0hsq4q.jpg"}}{{/hket:inline-image}}
都唔算大走樣。
{{hket:inline-image name="7212ab6dgy1fwche9kqrtj20zk0qodm9.jpg"}}{{/hket:inline-image}}
同老婆「異地戀」16年
吳毅將冇舉家搬去內地，反而係自己中港兩邊走，返大陸發展足足16年有大半時間都唔喺香港，Keep住有型又係明星，對老婆唐麗球嚟講自然有「副作用」。吳毅將直認喺內地嘅桃色誘惑，係日日都有：「老婆都係呢行嘅人，都好熟個套路，外來引誘一定有，劇組裏面、出去應酬……好睇你自己個人睇位，把唔把持得住好睇自己。」佢話如果諗到屋企、自己係家庭嘅「支撐」，就唔會受誘惑：「呢啲嘢都係虛嘅，後生嗰陣或者會動搖，上咗年紀個心智真係成熟咗，穩重咗。」
{{hket:inline-image name="42139802.jpg"}}{{/hket:inline-image}}
吳毅將長年都喺內地工作。
{{hket:inline-image name="7212ab6djw1f4yc6dvqf7j21hc1z4e81.jpg"}}{{/hket:inline-image}}
錫老婆會發達。
{{hket:inline-image name="7212ab6djw1f4yc5wg5i2j21hc1z47wh.jpg"}}{{/hket:inline-image}}
成日同老婆遊山玩水。