唐麗球在2003年與吳毅將結婚後，就退出娛圈，專心相夫教女。近日她上節目《詩情廿四味》做嘉賓，接受主持倪詩蓓的訪問，分享往事及退出娛圈後的生活點滴。
(圖片：大會提供)
相關新聞：【大王解密】安德尊親解「廚師天敵」傳言 歌手出身無悔入行不計較酬勞
唐麗球在1984年參選港姐得季軍而入行，她在節目中表示自已當年無諗過入三甲，「當年選港姐無諗過入三甲，當做show，反而無壓力，預咗自己唔得，當時妝都唔識化。冠軍高麗虹好靚，無諗過會拎獎。而參選港姐經驗好難得，以前30個人日日見，入到Semifinal 都當贏咗。」
(網上圖片)
選美後她加入TVB，拍過《楊家將》、《城市故事》等劇集，之後又轉投亞視。她形容與老公吳毅將的相識是緣份：「喺亞視冇合作，有一次拍錄影帶，我哋一齊做男女主角先識。」兩人拍拖十年後結婚，同年誕下囡囡吳梓希，唐麗球更大讚老公細心又溫柔。
(圖片：吳毅將微博)
相關新聞：「力量型變態佬」對老婆勁溫柔 吳毅將頑抗北方佳麗誘惑：日日都有
兩人結婚17年，一直都十分恩愛，而當提到老公吳毅將不時都要回內地工作，主持問她會否擔心有引誘，唐麗球就表示兩人之間有好大信任，會日日傾電話：「好多年前溝通咗，嚴重跟老公講一次不忠，百次不用。」唐麗球又提到每一次老公出埠都會車他坐飛機，又會不時去旅行。
(圖片：吳毅將微博)
現在唐麗球丈夫已返內地，要隔離14日。而女兒梓希在加拿大求學，因疫情於4月返港，父親節當日 (21日) 返回加拿大。唐麗球直指不捨得、 好難過，「逼自己放手，上年8月陪佢去加拿大，走嗰個禮拜好痛苦，返到香港都好痛苦，好似無咗靈魂咁，慘過失戀。」不過她又指縱然不捨仍要放手：「個女都16、7歲，始終都要畀佢獨立，做父母都要識得放手。」
(圖片：吳毅將微博)
她回憶起女兒曾有焦慮症，一到考試就會喊，個心口唔舒服又瞓唔到覺。做媽媽的十分擔心，四處尋求解決方法：「自己睇書去了解，又帶佢去睇心理醫生，醫生指佢係比較敏感嘅小朋友。會幫佢度過難關，考試時會陪佢聽歌、唱歌，等佢個人放鬆啲，最後帶佢食中藥。」她又指女兒性格似父親多愁善感，人比較敏感。
2013年帶囡囡出席活動。(圖片：東星娛樂)
現年56歲的唐麗球，依然保養得宜，她透露自己並不喜歡化妝：「我出街唔鍾意化妝，好多年前喺tvb，見到化妝間隔離有個人，本身唔認得係邊個，佢塊臉係灰色，化完之後就認得佢，佢係一個美人，不過就唔開名。原來化妝化得多，個膚色原來會咁。所以我入行都唔敢化咁多妝。」主持追問她可有保養良方分享？唐麗球就指：「白有少少係天生，最主要係清潔做多少少，搽防曬同敷面膜。會食維他命c增強抵抗力。 」
(圖片：東星娛樂)
(圖片：大會提供)
早前唐麗球生日，港姐好友陳法蓉、王愛倫及翁嘉穗為其慶生。
相關新聞：【香港小姐】46歲翁嘉穗做賢妻相夫教子 10位「四料」港姐冠軍逐個數
撰文：林惠珊
責任編輯：楊安莉