恒地7大商場至「瀛」祝福 換日式御守利市封套裝心想事成

聖誕過後好快就到農曆新年，唔少商場已密鑼緊鼓籌備賀年活動，黛安收到風，恒基地產旗下7大商場，包括新都城中心2期及3期、MOSTown新港城中心、荃灣千色匯、元朗千色匯、沙田中心．沙田廣場、屯門時代廣場及利奧坊，下月7日至2月3日推出日式利市封套裝，為大家送上至「瀛」祝福。

利市封套裝每盒有一套3款、每款有4個以健康、開運及金運為主題嘅御守造型利市封，今次採用立體刺繡工藝和多色製作，十分精巧細緻。利市封嘅封口位仲印有如意結，祝大家平安如意，心想事成。另外，仲有分別寓意「開運必勝」、「金運向上」及「身強體健」嘅紅黃綠3款達摩不倒翁，就算去唔到日本旅行都唔緊要，打開禮盒就可以過日式新年啦。

想換靚嘢好簡單，H•COINS會員下月7日至2月3日到指定商場，喺H•COINS手機應用程式用1888 COINS或688COINS就可換領「新春祈願繪馬盒連御守造型利市封套裝」，或新春祈願賀年利市封乙套，數量有限，換完即止。