王力宏對老婆孤寒成「斷正」關鍵 網絡柯南發現李靚蕾搜證方法

人類總係要犯同樣嘅錯誤，近日嘅新聞人物王力宏就應晒棍。講嘅唔係佢「犯咗全天下男人都會犯嘅錯」，而係佢冇好好保管自己嘅個人資料。

同場加映：《臨時械劫》｜郭富城戴假耳仔哨牙look演賊王 爆同小齊林家棟有「男人的浪漫」

{{hket:ul-video id="4937"}}{{/hket:ul-video}}

李靚蕾同王力宏離婚為娛樂圈投下本年度最大震撼彈，李靚蕾撰寫多篇長文指控前夫多年來召妓、出軌，以及唔理小朋友等。李靚蕾每次回應都見血封喉，被網民封為「蕾神之槌」，更加有唔少圈中人都被波及，花生指數極高！李靚蕾出招快狠準，大家都相信佢係有備而戰，而且手握實質證據，唔係無的放矢。

{{hket:inline-image name="6d4db20c28e09d55d79ac5af5ea0f99b.jpg"}}{{/hket:inline-image}}

王力宏話晒都高學歷，點會蠢到偷食唔抹嘴？唔少人都好好奇「蕾神」係點樣得到證據。最近有內地網民整合出時間線，發現一切證據其實由王力宏自己雙手奉上！

網民細心比對王力宏同李靚蕾以往出文嘅時間，發現2018年起王力宏就會追最新出嘅手提電話，年年一出新機即轉，冇一次miss；而李靚蕾2017年用嘅係iPhone 7 Plus，到2019年9月24日轉用iPhone XS max，而王力宏原先使用iPhone XS max就喺9月21日發出最後一條微博，相信係王力宏將佢嘅舊機畀李靚蕾用先有呢個交替情況出現。同樣情況今年亦有發生，今年10月1日係王力宏最後一次使用iPhone 12 Pro Max，到12日就換咗iPhone 13 Pro Max；而李靚蕾喺約兩個月後嘅12月18日就換咗iPhone 12 Pro Max，相信亦係王力宏嘅舊機。而比對下亦同王力宏爸爸指「李靚蕾處心積累兩年」嘅講法時間吻合。

所謂走過必留痕跡，王力宏自己追求新款手提電話，畀舊款前妻用嘅時候又冇「手尾」，李靚蕾要修復番舊機資料一啲都唔難，最終斷正捉到痛腳，令到王力宏亳無反抗之力。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】