鄧達智眼見家姐胃癌惶恐中離世 先後兩度患癌幸得醫生伴侶照顧

本港時裝設計師鄧達智（William）早前接受鄭丹瑞（旦哥）主持的網上節目《健康‧旦》訪問，在2014年，William患上乙結腸癌二期，切除3cm腫瘤、20cm乙結腸及脂肪，及後又發現患上前列腺癌二期；先後兩次患癌，William坦言幸好是媽媽離世後才發生，自己才沒有後顧之憂，能夠坦然面對一切。

同場加映：青春本我丨張馳豪潘靜文成熒幕CP互爆缺點 犧牲學業愛情整裝自己追趕步伐

{{hket:ul-video id="4919"}}{{/hket:ul-video}}

{{hket:inline-image name="10.jpg"}}{{/hket:inline-image}}

{{hket:inline-image name="14.jpg"}}{{/hket:inline-image}}

現年63歲的William，指自己的生活習慣沒有過份不良，「我冇食煙，飲酒都有限，但有10幾年，大江南北，我飛得好緊要，生活係辛苦。」旦哥問他得知患病後，當時怎樣去面對？William說：「我唔係天生冷靜，早前嘅時候，我喺大學讀過醫護課程，知道病人得知自己有癌症時會有幾個階段，最不幸係我三家姐未夠40歲就因為胃癌而走咗；當時係陪住佢一齊惶恐，我係最後一個睇住佢斷氣，所以對我嚟講，呢個震撼係好大。到我自己有事，當時醫生唔畀我中午走，叫我再照好多樣嘢，黃昏醫生巡房話畀我知有事，我好冷靜，嗰晚仲要做電台節目，第二朝先去決定搵邊位外科醫生幫我做手術。我好安靜冇畀屋企人知，做完手術先話畀佢哋知，因為我知道講係冇用，冇人幫到我，呢個時間淨係醫護人員幫到你；證實係惡性，差啲就係第三期，但好彩癌細胞冇擴散。」

《愛回家》大小姐│林淑敏憶乳癌初期未敢告知父母 「壓力係嚟自我唔知點面對屋企人」【下一頁】

不幸地，William接受定期身體檢查時，發現患上前列腺癌二期，要由機械人電鋸臂進行微創手術，幸運地，手術順利，康復情況理想，他說：「我三家姐有事之後，二家姐都有事，對媽媽嚟講，係好大打擊；所以對我嚟講，媽媽仲喺度嘅話，我要畀自己冇事，有事都要適當處理。好運定唔好運？媽媽80幾歲就離開咗喇，所以我呢兩次癌症，都係媽媽唔喺度先發生，我冇後顧之憂。媽媽對我嚟講係最重要，唔好畀佢再傷心係最重要。」加上他的伴侶陳梓欣（Clement）是醫生，有對方一直的照顧。William寄語大家要養成良好生活習慣，不要諱疾忌醫，一定要病向淺中醫。

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="111.jpeg"}}{{/hket:inline-image}}

{{hket:inline-image name="112.jpeg"}}{{/hket:inline-image}}

{{hket:inline-image name="113.jpeg"}}{{/hket:inline-image}}