76歲去年正式退休│雪妮患遺傳性中耳骨硬化失聰 感謝老公唐佳相伴左右成專屬助聽器

76歲的雪妮去年參與《踩過界II》宣傳時，正式宣布退休，告別影視圈息影。她當時表示自己年事已高，記性漸差，擔心經常忘詞要NG怕會連累對手，亦不想通宵拍攝捱壞身體，賺到的錢都不夠看醫生，還是覺得身體健康最重要。雪妮近日接受鄭丹瑞主持的《健康‧旦》節目訪問，提到她的聽力受遺傳病影響，現時兩邊耳朵都要佩戴助聽器，方便生活。

《踩過界II》75歲雪妮怕記唔到對白連累對手 宣布息影退休：「賺埋唔夠睇醫生」【下一頁】

{{hket:inline-image name="SUE.jpg"}}{{/hket:inline-image}}

提到退休生活，雪妮表示：「不錯，比較悠閒，冇以前咁緊張，因為開工時，一接到劇本就要背書，好似學生咁成日要記，我又好怕唔記得。而家冇再做演員，個人輕鬆啲。」她表示退休其中一個原因是耳朵出現毛病，但其實早於加入無綫之前耳朵已經出現問題。她雖發現自己聽電話接收不太清楚，但一直沒有理會，後來發現一邊耳朵完全失聰，她說：「事前完全冇先兆同跡象，醫生話我係屬於遺傳性，係中耳筋骨硬化。而家戴耳機（助聽器）比較好，大家正面對住我講說話就可以，但如果喺我背後講，就會聽唔到，所以先生要陪住我，好怕人哋同我打招呼我都唔知。」

（↓點擊放大睇圖片↓）

《街坊財爺》雪妮扮冇牙婆養爛賭仔 與丈夫唐佳相愛半世紀形影不離【下一頁】

雪妮表示自己平日去游水，會除去耳機，泳友如果好大聲說話，她都勉強聽得到。她說：「做過手術，得一隻耳仔成功，不過成功嗰隻十幾年之後都係唔得，所以而家要戴兩個耳機。（驚唔驚？）我就冇咩特別，好好彩，因為我先生成日陪住我，我聽唔到的話，佢喺度會話我知，又同人講：『唔好意思我老婆佢聾呀！』。如果真係要一個人出去行，我喺街就永遠行埋一邊，因為推車嘅人叫我借開，我就永遠聽唔到，行邊啲就唔會阻住人。」

雪妮的老公唐佳是當年著名的武術指導，退休後經常被傳媒拍到他做「跟得老公」陪太太拍戲，起初還以為兩人恩愛得形影不離，原來雪妮是靠唐佳做她的專屬助聽器。唐佳對雪妮照顧有加，係行內公認的恩愛夫妻，結婚超過半世紀都形影不離，羨煞旁人。當年雪妮未婚懷孕，她在1969年決心為了丈夫和家庭，放棄眼前如日方中的事業，專心相夫教子。她笑稱自己野蠻，每次爭吵完，最終都是老公讓步，性格一凸一凹。而唐佳亦曾於訪問中自嘲是「阿四」，而雪妮亦指老公係佢嘅保鑣、經理人兼阿四。

（↓點擊放大睇圖片↓）

責任編輯：楊安莉