赤柱廣場聖誕市集變身美國西部 體驗淘金熱

大家諗定聖誕節目未？黛安收到風，今年赤柱廣場嘅聖誕市集將首次以美國西部作主題，市集入口擺放咗西部牛仔裝飾，部分攤檔布置更以原木製造，廣場中央雪糕店上蓋亦特設2.5米高吹氣巨型木筒及氈帽，配合金礦等場景，感覺真係好似去咗西部牛仔嘅淘金小鎮咁。

60人氣品牌雲集

今次「Wild West Adventure聖誕市集」有超過60個人氣品牌擺檔，包括美國加州Blue Bottle Coffee、香港本土Gin酒品牌白蘭樹下的丹丘蒸留所、著名嘅香港漢堡店Honbo等，部分美食同產品更係首次公開亮相，絕不能錯過。姊妹仲話，市集更會舉行「淘金狂熱」模擬淘金遊戲，只要喺限時內完成淘金任務，每個活動日嘅勝出者都可獲贈justgold鎮金店送出嘅純金吊墜㗎！

此外，市場舉行期間只要喺赤柱廣場、美利樓及赤柱聖誕市集消費滿$1,000，即可換領限定版狂野仙人掌玻璃杯㖭。赤柱廣場亦特設免費穿梭巴士及渡船往返赤柱及港島各區，方便大家前往，黛安都要抽時間去玩同買嘢先得。