豐澤手提電腦變身計劃 捐贈者可9折買Microsoft新產品

潮流興舊物新用，黛安收到風，豐澤同香港明愛轄下嘅電腦工場合作，推出首個「手提電腦變身計劃」，將回收到嘅手提電腦翻新，捐畀基層家庭循環再用，3個月已回收咗超過300部手提電腦，由於反應熱烈，決定繼續推行落去！

聽公關姊妹講，大家可帶埋舊手提電腦、電源綫或電腦配件，去指定20間分店擺放嘅「手提電腦回收箱」。今次計劃仲獲得Microsoft香港同Acer支持，大家每捐出滑鼠或鍵盤，就可用9折購買Microsoft最新產品，好似滑鼠、鍵盤、耳機等，即日起至明年1月2日，仲可以額外9折買Microsoft最新推出嘅海洋塑膠滑鼠㖭。喺豐澤購買Acer嘅Aspire Vero手提電腦，仲可免費獲贈Microsoft海洋塑膠滑鼠1隻。

姊妹仲話，豐澤特別邀請8大電子產品品牌參與計劃，鼓勵供應商踴躍捐贈，擴大回收網絡，一齊過一個綠色聖誕節。