大家樂推1折網上優惠 600份$12餐券周五開售

大家樂上月透過網站eatCDC.com推出抵食嘅「雙11」二人餐，黛安當時都有買，好辛苦先搶到一份。公關姊妹話，大家樂將再接再厲推出「雙12早鳥日」網店激賞優惠，明日（10日）正午12點起推出3款平至$12嘅二人餐，售價最平低至原價1折，可以同親朋好友「孖住歎」。

姊妹話，今次優惠包括早餐、茶餐同晚餐優惠餐券各200份，例如「松露蘑菇雞粒炒蛋」二人餐（原價$60）、熱狗二人餐（原價$60）及「燉湯小菜」二人餐（原價$122），售完即止。而每張訂單最多各款買1份，只要喺網站完成訂購，就會收到確認電郵同QR Code，大家即可喺指定限期前以超抵價錢同親友一齊歎美食喇。