張敬軒大讚亞熱帶風情嘅靚 七仙羽：咁你會唔會娶我吖

張敬軒的YouTube綜藝節目《軒公敲碗之軒公不設防》，是向三位才子黃霑、倪匡和蔡瀾主持的《今夜不設防》（1989年-1990年播出）致敬，在昨晚播出的一集，軒仔邀請好友梁祖堯和初次認識的強尼擔任嘉賓，3位男士摸住酒杯底談天說地，而七仙羽師傅則壓軸出場。

同場加映：九龍城寨‧圍城│洪金寶冇關心譚詠麟桃色新聞 林峯冧住爆囡囡學講：Daddy叻叻

{{hket:ul-video id="4776"}}{{/hket:ul-video}}

{{hket:inline-image name="10.jpg"}}{{/hket:inline-image}}

{{hket:inline-image name="11.JPG"}}{{/hket:inline-image}}

他們表示以前收看《今夜不設防》時，由於內容帶點成人話題，強尼笑言會有興奮的感覺，阿祖就話：「直頭覺得睇緊鹹嘢。」談及當年最漂亮的女星，他們貪心挑選了張曼玉、李美鳳、王祖賢、鍾楚紅、張可頤、姚煒、吳家麗、林青霞、張敏。

張敬軒邀「大馬女神」做節目嘉賓 林明禎被引導講粗口諧音【下一頁】

說到興起之際，阿祖提議揀多一位，這個人要美貌與智慧並重、穿越時空、跨越三界，他說：「佢有嗰種傳統魅力、智慧，但亦都有李華月一般嘅性感。」李華月？原來他們是形容七師傅，一開始，七師傅替軒仔改英文名「柴灣Super J」，她說：「叫Jesus都得，因為有你先有呢個節目，冇你呢個救世主，邊個可以係呢？」軒仔滿意說：「我覺得柴灣Super J都ok，好型。」軒仔賣口乖，大讚七師傅真人和上鏡一樣漂亮，他說：「你係嗰種亞熱帶風情嘅靚！」點知七師傅立即說：「我咁陽光咁靚，咁你會唔會娶我吖？」

這時軒仔靜止了一會，接著斟酒飲，阿祖問他：「你做咩怯啫？」軒仔說：「我壯一壯膽先！冇人問過我呢個問題，我諗一諗先……」七師傅不斷指對方「不要她」，軒仔無奈說：「我冇拒絕你……只係冇答你，因為呢個問題我冇諗過，雖然……大家都知我年紀大過你，一個細過你嘅人又得唔得呢？可唔可以接受姊弟戀呢？」七師傅即時開心到掩嘴笑說：「如果可以接受，你要唔要我吖？」強尼忍不住插嘴：「師傅！你嘅目標，啄得好行喎，你咬住佢唔放喎！」七師傅同時指自己喜歡眼大的人。

張敬軒化身一日限定地產仔 雪姨睇好性玩具生意有潛力【下一頁】

{{hket:inline-image name="16.JPG"}}{{/hket:inline-image}}

{{hket:inline-image name="17.jpg"}}{{/hket:inline-image}}

軒仔和阿祖憶述有一年在蔡卓妍生日會上相識的經過，阿祖指當年的生日會的主題是奧運，於是他只穿泳褲，以跳水運動員look現身。軒仔說：「由於有酒精，我哋係飲到攬頭攬頸。」阿祖續說：「當年嘅我，喺party入面一定係『磨爛蓆』，玩到最尾先走，嗰啲open bar，包咗場係任飲，我份人係你出酒，我出肝㗎嘛！重點係全部人走晒，得番我同軒仔，佢問我唱唔唱歌，我哋唱Mariah Carey《Hero》，我覺得搵到知音人，因為我係全球最低音嘅男人，但高音係我一直想發掘嘅……我哋繼續飲，嗰晚最尾點結束？同恐龍點樣絕種一樣……冇人知！」

軒仔笑指與阿祖合作音樂劇《Octave柯廸夫》（2010年），最初竟如陌路人，軒仔說：「我好似唔識佢？我完全冇印象見過佢，後來排戲排到咁上下，開始飲酒，跟住喺studio set埋燈……」強尼插嘴：「我哋會唔會今晚做完節目，大家會當唔識？」阿祖回答他：「唔會啦！飲完酒唔會當唔識，瞓完就當唔識啫！」

{{hket:inline-image name="80.jpg"}}{{/hket:inline-image}}

此外，軒仔還特意介紹一幅「名畫」，他說：「呢幅係蒙羅豆沙，最特別嘅地方，第一眼望落去以為係人，第二眼以為係猩猩，第三眼睇睇吓有啲似我添！」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="111.jpeg"}}{{/hket:inline-image}}

{{hket:inline-image name="112.jpeg"}}{{/hket:inline-image}}

{{hket:inline-image name="113.jpeg"}}{{/hket:inline-image}}