愛回家│Mike扮神棍道士呃大龍生 曾展望曾跟師傅驅鬼勁難忘

《愛回家之開心速遞》昨晚一集「Mike做道士」，大龍生（羅樂林飾）為新地盤主持動土儀式時，不慎挖到骸骨，之後一直感覺見到人影，誤以為自己被怨靈纏身；而以MT身分加入接龍集團的Mike（曾展望飾）為了整蠱熊樹仁（單立文飾），不惜扮家傳三代的道士為他驅走膊頭上的鬼魂，沒想到此舉被大龍生見證到，大龍生因而邀請Mike為自己驅鬼。Mike為怕得罪大龍生，急向神棍道士「惡補」，最終耍了一場大龍鳳蒙混過關。

同場加映：《愛回家》熊家龍家兩大婚禮舉行在即 龔水爆婚期 蓮輝感激觀眾證成長

{{hket:ul-video id="4715"}}{{/hket:ul-video}}

愛回家│曾展望加入接龍做MT慘被勞役 23歲小鮮肉原來是七品道士【下一頁】

{{hket:inline-image name="jhasdjvvv.jpg"}}{{/hket:inline-image}}

其實今集可謂為曾展望度身訂造的一集，事關23歲的他本身是七品道士，曾經在《#後生仔傾吓偈》節目分享過自己做道士的經歷，穿上道服的他跟平日年輕人型格打扮不一樣，實在令人難以想像。曾展望加入《愛回家》短短半年時間，就已經擁有多次主線戲份的集數，又由MT職位升上管理層，非常厲害。

曾展望接受《晴報》電話訪問，「我同監製傾過偈，佢知我有道士呢個身分，大家就幫我度點樣加入個劇情入面，令呢件事可以有趣啲！所以今次呢個劇情，我扮道士呃大龍生同熊樹仁。（平時多唔多朋友叫你驅鬼？）好彩我身邊朋友冇乜出過事，但如果佢哋有相關的煩惱、疑問，或者屋企人要做法事，都會搵我幫吓手。我之前曾經跟過道家師傅去驅鬼，過程都真係幾誇張呀真係！」

星空下的仁醫│馬國明鄭嘉穎反目一冷一熱 首集播出 觀眾大讚緊湊精彩【下一頁】

提到加入《愛回家》半年時間，他表示很享受演處境劇，因為由細到大都喜歡睇喜劇，《愛回家》的劇情輕鬆、貼地又搞笑，「入面好多唔同嘅前輩，劉丹、單立文、羅樂林、杜大偉等等，佢哋教我好多嘢，拍攝輕鬆又袋好多嘢，真係好開心！」

而早前曾展望在《星空下的仁醫》飾演馬國明的年輕版，同樣備受關注，他直言由於劇情吸引很多人收看，令觀眾對他的關注度都提升，「連我阿媽都話我做得唔錯，有啲馬國明嘅感覺！我好開心！其實因為我哋幾場戲都好重要，所以導演安排咗我哋幾個年輕演員去探望，睇鄭嘉穎、馬國明、鍾嘉欣等等佢哋開工觀察吓，加上對手同導演真係幫好多，最後有個滿意成果都好開心！」曾展望今年跳出《#後生仔》有不少的發展，更入圍今年《萬千星輝頒獎典禮》的「飛躍進步男藝員」名單，他表示：「我冇諗過自己入到圍，我有信心有票，自己會投自己，可唔可以去到最尾就冇諗太多，入到圍已經夠滿足，希望再努力，將來入到最後五強。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉

{{hket:inline-image name="yyy.jpg"}}{{/hket:inline-image}}

{{hket:inline-image name="yy.jpg"}}{{/hket:inline-image}}

{{hket:inline-image name="y.jpg"}}{{/hket:inline-image}}