新港城中心海賊王聖誕啟航 7米高海盜船現身中庭

相信好多人對大熱動畫《ONE PIECE海賊王》唔會陌生，黛安收到風，為慶祝動畫播映1,000集及預祝漫畫連載25周年，馬鞍山MOSTown新港城中心打造「海賊王MOST-SWEET Seacation聖誕啟航」主題活動，即日起至明年1月2日，除咗一眾經典船員角色會現身商場，當中由日本官方團隊設計、7米高嘅「MOST-SWEET烈陽號」海盜船，亦會喺商場中庭出現，船上更有7大展區畀大家玩樂同打卡。

商場仲特設期間限定店，售賣逾200款精品，包括全球首次發售嘅一系列ONE PIECE SWEETS精品，買滿$350更可獲贈襟章1個，送完即止。