鄧兆尊被指獨寵三奶開恩「留種」 曾多次為陳小姐破「戒」錫到出面

風流而不下流嘅鄧兆尊感情生活比佢嘅演藝事業更加精彩，原本有三個女朋友已經係能現代男人所不能；兩年前佢仲無縫換三奶，現代韋小寶當之無愧！兆尊日前被指打破自己「留情不留種」嘅風流宣言，令人非常震驚。

同場加映：廣告酬勞飆升｜MIRROR成員傳出騷身價高達50萬 AK：希望報道講嘅係真

{{hket:ul-video id="4653"}}{{/hket:ul-video}}

新咗兩年嘅G奶三奶「陳小姐」深得兆尊歡心，疫情期間只見佢哋出雙入對。以往兆尊不時一拖三出席活動，不過近年已冇見大婆Carmen與二奶車厘子同行，兆尊曾強調對3個女友「雨露均沾」嘅講法，似乎隨住陳小姐嘅加入抹走晒。另外男方又高調帶三奶亮相老友苑瓊丹節目；又表示每人都有過去，唔介意三奶有個十幾歲嘅女，更試過三人行出巡，對新三奶女兒都照顧有加。

{{hket:inline-image name="c66825d0572abc2781dce33a3a1a9c75.jpg"}}{{/hket:inline-image}}

去年9月有人目睹兆尊同三奶喺養和醫院出現，男方傍實女方並細心為對方拎手袋，全程貼身呵護，即惹來大肚疑雲；其後兆尊否認三奶大肚，透露對方整親手，故陪伴到醫院睇病，更斬釘截鐵話：「唔會畀意外發生！」更指弟妹已有下一代，自己冇傳宗接代壓力。

自從三奶出現後，兆尊再被笑愛食「豬扒」，女方發奮減肥，男方大讚佢有腰有胸，連腳都幼埋！但係日前兆尊同三奶出巡，影到三奶肚凸凸，再惹兆尊留種疑雲！雖然兆尊一早講咗自己唔會「留後」，但佢一再為三奶打破多年「家規」，偏心到出晒面，大家都覺得三奶有喜真係唔出奇！《晴報》就此事訪問兆尊，問到佢係咪準備做爸爸，兆尊再次斬釘截鐵回應：「冇，只係肥咗！」表示唔會生兒育女嘅想法，從來都冇改變過。

{{hket:inline-image name="WhatsAp.jpeg"}}{{/hket:inline-image}}

{{hket:inline-image name="WhatsA.jpeg"}}{{/hket:inline-image}}

{{hket:inline-image name="Wha.jpeg"}}{{/hket:inline-image}}