合味道紀念館新福袋 即日登場

疫情持續近2年，大家無得去旅行，相信唔少人都好掛住日本，黛安聽聞日清食品「合味道紀念館香港」最近推出咗2款福袋，分別係日清麵食福袋套裝及日清零食福袋套裝，售價同樣係90元，即日起至今個月30日發售，售完即止。麵食福袋包括出前一丁北海道小麥粉、日清拉王杯麵及日清U.F.O.炒麵等，零食福袋則包括日清湖池屋薯片、日清思樂都穀物麥片及野菜生活飲品等，麵食福袋同時喺百佳網上超市有售。

另外，公關姊妹話合味道紀念館香港已調整開放時間，逢周三休館，平日開放時間為上午11時15分至晚上7時15分，逢周六、日及公眾假期則延至晚上8時15分閉館，如想參加工作坊就要提前喺網上預約喇。