好人好事︳颱風下搭的士偶遇好心司機 只加$20自願遲收工等回程

8號風球下搭的士或已做好被「劏」的心理準備，然而有名小西灣街坊就在颱風下偶遇好心司機，對方非但未有濫收車資，甚至願意遲收工以等待事主先為愛貓打完針，再由北角折返小西灣，好心之舉獲乘客及網民力讚。

同場加映：

Sick問識答︳子宮肌瘤易經痛恐致便秘腎積水 醫生拆解常見症狀+預防方法

{{hket:ul-video id="4369"}}{{/hket:ul-video}}

8號風球下送愛貓求醫 街坊偶遇不劏客好心司機

風暴之下如遇急事出門，搭的士往往會被司機坐地起價濫收車資，有網民就於Facebook群組「柴灣人柴灣事」發文指昨晚（13日）急需送貓貓到醫院打針，故落街打算截的士，又指已有心理準備要付出「附加費」，

「睇下加幾錢可以去，都預咗畀人劏。」

自願遲收工等待接事主回程

事主指其後截到的士，表明想由小西灣前往北角後司機表示需要另加20元。事主指當時由於未有被「劏」而心中暗喜，未料司機得知事主需要帶貓貓打針，甚至願意等5分鐘完事再接事主回程，令事主與愛貓可以在8號風球下安全回家。

事主又指落車時原打算多付「貼士」，不過就被司機婉拒稱「唔使咁多」，事主形容情況有如飲茶時爭相埋單，希望透過公開事件以表揚這位風球下的好心司機，

「真心好多謝67歲姓施嘅司機叔叔。佢話自己有3女1仔就嚟退休，希望佢可以享兒女福。」

網民同情司機打風照開工：次次都畀多$50

不少網民留言大讚司機好人，表現值得表揚，稱不少的士司機在颱風下都會收取高昂附加費。有網民就指颱風下搭的士早有加錢心理準備，每次都會多付50元，故該名司機不劏客之餘甚至願意等待顧客實在難得。

同場加映：

做手術除膿｜寶珮如拍劇突然面癱憂中風 全身麻醉留陰影：好驚醒唔番

{{hket:ul-video id="4383"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

每朝索取《晴報》：精明生活．健康家庭．開心娛樂