食用安全︳雞煲有酸味肥牛硬似冰磚食客斥不戴口罩取食物狂咳無人理

發佈時間: 2021/10/11

秋風初起，不少人都到火鍋店打邊爐，惟有網民控訴尖沙咀一間雞煲火鍋店的食物質素參差，不但雞煲味道變酸，蔬菜乾黃疑似發霉，連肥牛也硬似冰磚，更令人咋舌的是多名食客不戴口罩到自助區取食材，甚至對著食材咳嗽，店員卻無動於衷，疑似負責人接獲投訴與反映後又懶理，令他們感到既憤怒又失望：「衰過酒樓任食。」

同場加映：

筋骨痛症︳縮膊玩手機懶做運動恐致周身痛上門按摩師警告3大不良習慣致勞損

一名網民上周五（8日）在Facebook群組「中伏飲食區」稱代街坊發帖，指事主一行六人在尖沙咀一間雞煲火鍋店用餐，由於雞煲有輕微變酸味道，向一名疑似老闆的職員反映後，對方稱會向廚房了解卻未有跟進。

他指事主當時沒有再追究，選擇照加湯成鴛鴦鍋打邊爐，怎料一邊的皮蛋芫茜湯中，皮蛋是「溶溶爛爛」，另一邊的番茄湯則無番茄味，而放在自助區的蔬菜等配菜毫不新鮮：

「蔬菜櫃啲菜好似喺室溫由朝擺到晚咁又乾又黃，仲有嚿南瓜疑似發霉，蓮藕片好似煲完鱆魚湯咁啡，秀珍菇好似浸完水之後再擺咗好耐咁。」

肥牛硬似冰磚

他續指，事主所點的蝦及大蜆都漏單，主角肥牛拼盤出場時，亦令他們大失所望。拼盤上有幾款牛肉，其中的美國安格斯牛小排未解凍硬似冰磚，形容「用筷子大力都拆唔開」，需要整塊放入湯底融雪，

「要成嚿放入湯底，等啲冰融咗先可以整到一片片出嚟，但咁搞法，啲牛已經過熟。」

（↓點擊圖片放大↓）

目擊食客不戴口罩取食物

除了食物質素欠佳之外，事主對店內環境衛生存疑，因眼見有食客不戴口罩到自助區取食物，甚至有人對雪櫃內的蔬菜咳嗽，店員卻視而不見，被飛沫沾染的瓜菜仍放在雪櫃內，令他們目瞪口呆。他們趁「疑似老闆娘」向他們詢問食物質素時，順道反映問題，怎料再次不被無視，

「同佢講完唔得之後佢就行咗去，完全無了解過邊方面唔得。整體嚟講，完全唔值連埋加一$328一位。衰過酒樓任食。」

帖文在網上引來多名網民留言回應，有人指該店的食物水準如此低下，的確不值此價；亦有人表示曾往該店用膳，同樣發現食物質素差劣的問題：

（↓點擊圖片放大↓）

同場加映：

Sick問識答︳子宮肌瘤易經痛恐致便秘腎積水醫生拆解常見症狀+預防方法

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

每朝索取《晴報》：精明生活．健康家庭．開心娛樂

精選健康知識，盡在 Healthy Life 健康男女

撰文：賴天兒

最新文章