愉景灣Market Place新店 互動屏幕增購物體驗

黛安早兩日去愉景灣，發現Market Place開咗新分店，佔地逾萬呎，除咗時令食材和酒釀，亦備有可持續發展嘅海產、無激素凍肉、急凍素食等。佢哋仲同新西蘭健康零食品牌Alison's Pantry合作，打造咗「自助堅果吧」發售多款獨家堅果，更有寵物零食，主人同毛孩可以一齊分享滋味美食。

最吸引黛安嘅係店內開設全球首間IKEA Close to You，出售唔少靚靚家品及食品，同時加入數碼體驗，包括支援彈性取貨時間及免運費嘅自助提貨櫃，並設置能提供逾50個家居布置靈感嘅「布置靈感數碼體驗」互動屏幕，及免費食譜嘅「瑞典煮意互動屏幕」，以新科技增添購物樂趣，大家快啲去逛下啦，必定滿載而歸㗎。