無綫新劇《我家無難事》下星期一（13日）首播，最大賣點是主角馬德鐘和兒子馬在驤罕有父子檔拍劇，令不少觀眾大為期待。本來以為他們很難會有對手戲，因為馬在驤是飾演馬德鐘的角色的年輕版，導演一次巧妙安排撮合二人在同場，作外景拍攝，借用雪條勾起馬德鐘昔日回憶，令馬在驤在回憶片段中出現，變成兩父子同「場」做戲。馬在驤表示近距離睇到視帝老竇如何演戲，上了人生寶貴的一課。
【我家無難事】馬在驤處男下海演馬德鐘年輕版 同劇五位「星二代」橫跨半世紀【下一頁】
馬德鐘1996年的角色，由馬在驤扮演。早前一場屋邨遊樂場同小演員食「孖條」的場面，導演就設計兩父子同「場」演出。畫面首先見到馬在驤跟小演員坐在滑梯上，分享一條「孖條」，演起來來相當自然流暢；之後就到馬德鐘獨自出場，拎住雪條回憶昔日情況。鏡頭以外，當馬德鐘跟導演討論劇情時，馬在驤很醒目在旁睇實，趁機會在視帝老竇身上偷師。
對於這次同場拍攝，馬德鐘笑晒口話：「好難得喺呢齣劇，同一日一齊開工，導演設計咗呢場戲，劇中係（大家）都睇唔到（對方）嘅，而係喺同一個位置拍攝（經剪接）變嚟變去，畫面上變嚟變去。（對兒子演出有甚麼期望？）等佢自由發揮、玩吓、感受吓，已經係一個好好體驗。」當追問私下可有「過料」給兒子，馬在驤即時搶答：「教我點講廣東話！」
【我家無難事】馬德鐘首次父子檔上場拍新劇 馬在驤高大弗爆成廣告商寵兒【下一頁】
另一情節，講馬在驤跟小演員參加問答比賽，沒有馬德鐘在旁亦應付有餘。他表明講廣東話對白有難度，之前全靠爸爸在背後教導，拍攝當日他接受訪問時話：「廣東話一定難，因為細個係讀法文，冇乜讀中文，所以要Daddy幫手。今次都有請教吓佢，因為演佢年輕版本，有啲乜嘢動態、話氣、動作，都會問吓佢。（覺得爸爸易扮？）佢解釋完就易扮啲，無解釋就唔知點做。（爸爸有試過監場？）有！上次拍廠景時講對白無發音出嚟，佢就叫我大聲啲講。（由發音咬字去糾正？）係。」
現年23歲的馬在驤簽約邵氏成為旗下藝人，可是他只想在模特兒方向發展，早前父子檔一齊拍廣告。而馬在驤對演戲似乎興趣不大，現在已返澳洲繼續學業先，相信要待暑假才可以見到他。
（↓點擊放大睇圖片↓）
此外，《我家無難事》下星期一（13日）首播，此劇是金牌監製王心慰的作品，參與的演員陣容不弱，除馬德鐘父子外，還有鮑起靜、唐詩詠、楊明、車婉婉、王君馨、關禮傑、胡㻗及楊卓娜等。劇情主要圍繞資深花鈕導師郭羅美蘭（鮑起靜飾）一家的矛盾事情，當中長子郭得勤（馬德鐘飾）生意失敗兼與妻田羽菲（唐詩詠飾）離婚；二女郭得寶（車婉婉飾）與兒子郭景軒（胡㻗飾）關係疏離，又與現任男友分手；幼子郭得明（楊明飾）被哥哥所累而失業。期間黑道中人郭忠石（關禮傑飾）聲稱擁有郭家單位一半業權，跟眾人發生不少衝突。
撰文：梁榮達
同場加映：【娛樂直擊】 Jeremy＠MIRROR單飛出活動嗌緊張手震 26歲生日獲「獨角獸」送專屬生日歌
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】