馬德鐘跑步遺失駕照神速尋獲 甫合照感激有心人：感覺非常温暖

現年52歲嘅馬德鐘為咗Keep住好身材，經常出去做運動，而今朝馬德鐘亦不忘外出跑步，但就發生咗一件不幸嘅事。事關佢跑跑吓竟然無為意咁跌咗駕駛執照！不過好彩嘅係，喺Facebook一個名為「屯門公路塞車關注組」嘅群組入面，有人Post出一張疑似馬德鐘駕駛執照嘅相，相中因私隱關係只刪剩物主名字及正式執照字眼，而駕照上好清晰咁寫有馬德鐘嘅大名，一班網民見狀紛紛留言問，「真係馬德鐘？」、「會唔會係撞名呀」、「唔似係佢喎」等，亦有人表示期待見到馬德鐘返嚟搵駕照。

{{hket:inline-image name="124391282_430375571286747_7926245629903994181_n.jpg"}}{{/hket:inline-image}}

馬德鐘下午喺IG分享一張相，相中佢戴上Cap帽同太陽眼鏡，企喺公路旁同一名男子舉起「V」字手勢合照，並配文：「今日去跑步做運動，不小心跌咗車牌，幸好今天遇到有心人，神速交返畀我，十分感謝你！亦感謝每位看到帖子而通知我的朋友，感覺非常温暖！非常正能量！一起發揮香港人互助精神。」原來相中嘅神秘男子係執到馬德鐘駕照嘅人，令佢感受到人間有愛。

一眾網民都好戥馬德鐘開心，不過更多人留言話估唔到駕照物主真係馬德鐘，「我仲以為係同名同姓」、「原來馬德鐘原名叫馬德鐘，仲以為藝名嚟」、「本身以為有人搞笑Po出嚟，點知係真」等，網民都感到不可思議。

（↓點擊放大睇圖片↓）

其實應屆港姐冠軍謝嘉怡早前亦有發生過類似嘅「蝦碌」事件，不過佢唔見嘅唔係駕照，而係銀行卡。有熱心人士喺Facebook「大埔Tai Po」群組入面上載一張佢拾獲嘅銀行提款卡，相中遮晒銀行卡所有重要資訊，只見卡主名喺「TSE LISA MARIE」。因嘉怡住喺大埔區，銀行卡英文名又同佢一樣，就有熱心網友透過IG私訊聯繫嘉怡，問佢有冇遺失銀行卡。後來發現原來真係嘉怡大頭蝦跌咗銀行卡，而拾獲嘅銀行卡亦都屬於佢。嘉怡拎番卡之後表示好多謝市民幫佢執番同主動聯絡佢。

（↓點擊放大睇圖片↓）

大頭蝦港姐冠軍│謝嘉怡大懵遺失銀行提款卡 熱心大埔街坊拾獲靠IG聯絡物主【下一頁】