金枝六壯士Staycation｜伍詠薇苟芸慧簡慕華賣貨能力勁 店主梁嘉琪：表現及業績都滿分

梁嘉琪當年跟伍詠薇（伍姑娘）、苟芸慧、簡慕華、潘曉彤及化妝師Aster，因為劇集《金枝慾孽貳》而結緣，自稱「金枝六壯士」，多年來感情不變。日前眾人去酒店Staycation，突然興起要幫梁嘉琪開Live賣貨，集合姊妹們力量，結果這次Live成為她公司最高流量的直播，介紹的裙更全部售罄，相當犀利。

{{hket:inline-image name="b0fdca2a-2162-4636-b6c5-582d77f46c36.jpg"}}{{/hket:inline-image}}

{{hket:inline-image name="1024_e7cb3cfe33f398d84009e1ad8720667asaasftp20200221.jpg"}}{{/hket:inline-image}}

星格Boss｜梁嘉琪由用家變老闆開網店賣裙 首次開Live勁迷茫：點解咁賣嘢【下一頁】

「金枝六壯士」這個組合賣貨，真的可一不可再，只有有緣的粉絲有機會睇到。片中見到眾人玩得勁High，伍姑娘介紹簡慕華出場時扮不和，笑指簡慕華現在爆紅（《大叔的愛》效應），紅到完全搶走她的廣告；到叫賣時又要求5折出售，搞到梁嘉琪不停話唔得，會無錢賺，最終改為9折益街坊。至於今次在酒店Staycation，原來是因為Aster將要移民，於是大家跟她舉行Farewell party，希望留個回憶。

梁嘉琪昨晚（5日）在其品牌官網留言：「一個好消息，一個壞消息。想聽邊個先？其實冇得揀我話事，壞消息係六壯士條Live會暫時下架先，好消息係有睇過嘅朋友，就係地球上同我哋擁有同一回憶嘅人。個Live真係好開心，我地（哋）呢邊條片廿個鐘已經有接近30000嘅流量，更莫講伍姑娘嗰邊過2000嘅分享，衝出埋香港。應該係我哋K times 2有史以來最多人睇嘅一次lLive。重點係⋯⋯佢哋介紹嘅裙已經全部售罄喇，今次齊齊著裙係慕花提議㗎，呢段片係苟姑娘整㗎，Aster係我長期VIP嚟㗎，小蟲係你叫做乜都唔可以say no㗎。呢班朋友真係有義氣得無話可說。#如果你飲恨緊冇睇到個live #咁就啱啦 #都叫咗你要follow同搶先看我哋㗎啦」。

元祖《學是學非》主持｜梁嘉琪重返有線主持新飲食節目 15位「是非精」近況逐個數【下一頁】

梁嘉琪今日（6日）接受晴報訪問，她話：「其實我哋喺《金枝貳》之後成日有約食飯，又冇話定期約，都係講即興；以前就會密啲，2、3個月就會見吓，呢2年就因為疫情減少咗，對上一次好似年幾前。今次因為我哋其中一位姊妹會離開香港，所以搞咗呢個Staycation。（點解變成賣貨？）當初諗住大家會影相，簡慕華就提議一齊着我啲裙，覺得會有啲意思，伍姑娘話不如開Live玩吓，又可以幫我宣傳，其他人都話好。但調番轉係我唔好意思，從來無諗過要打攬啲姊妹，但係佢哋真係好有義氣。大家係第一次做帶貨的Live，佢哋真係好有天分，又介紹得好落力，介紹嘅款式好快就賣晒，無論表現及業績都係滿分，應該可以向呢個方向發展，哈哈哈！我啲Fans都猛話幾時可以再請佢哋上嚟，真係好funny。」

（↓點擊放大睇圖片↓）

提到片中伍姑娘High到似飲醉，梁嘉琪笑說：「佢真係好High又好開心，好多人問係咪醉咗，但其實佢嗰日真係好攰，因為前一日瞓得唔係幾好，但見到佢仲出盡力幫我做Model又Sell裙，我都唔知點報答，除咗以身相許之外……亦好多謝佢用自己Account幫我開Live，令好多海外朋友睇到，因為佢東南亞好多Fans，多咗海外朋友認識到我嘅品牌，簡直幫我衝出香港。」梁嘉琪指今次是一個好難忘回憶，大家以為係普通Staycation，從無想過會瘋狂去開Live，Fans可以視這次為限時驚喜，有機會就再次同大家見面。

撰文：梁榮達

同場加映：星格Boss│黎澤恩Ronny疫情下開健身+音樂教室 生招牌吸客 租金高昂未敢諗回本

{{hket:ul-video id="4050"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】