有洪永城和黃翠如呢對黃金組合，節目必然火花四起，看著他們脣槍舌劍，互相取笑，真是充滿歡樂感！由二人主持的最新旅遊節目《出走澳洲》昨晚（8/10）正式首播，以自駕形式遊歷澳洲，第一集便食和牛，玩電動滑板車，相當「梳乎」。之後洪永城和黃翠如會到訪塔斯曼尼亞，這是他們初次拍攝旅遊節目《活得很滋味》的地方，時隔十多年後重臨舊地，相信一定感觸萬分。
（圖片來源：TVB）
（圖片來源：TVB）
洪永城和黃翠如相識多年，由青蔥歲月走到現在，一起經歷人生不同階段，早已變成感情如親人般真摯的好朋友，不過在第一集最後段，黃翠如就爆洪永城大鑊，指摘他走數「一百萬」，還未兌現承諾！原來是當年四個好朋友一齊去柬埔寨旅行，之後做了一個承諾，邊個率先賺夠一百萬，就要請大家去旅行，第一個達成目標的居然是洪永城，但他卻忘記了此事。黃翠如說：「然後你有冇請我去玩？冇呀！」洪永城即哈哈大笑：「至少我係第一時間用短信通知你哋」黃翠如很感觸回答：「係呀，其實收到信息好感動。其實諗返起好有趣，嗰陣對我哋嚟講，擁有100萬係呢世都無可能嘅事，但而家回想，嗰時我哋真係好young！」
相關新聞：【變老APP】黃翠如老咗做坤哥阿媽？ 與洪永城相約合作到老
（IG圖片）
洪永城走數多年，黃翠如當然唔放過佢，再追問：「如果你而家賺到幾錢，會再請我去旅行？」洪永城思考了一陣，說「一千萬啦。去澳門好平啫，幾百蚊。」今次全部觀眾都聽到，洪永城冇得走數啦！
（圖片來源：TVB）
（圖片來源：TVB）
節目又曬出老友梁嘉琪等人的舊照，幾個都超青澀，特別是梁嘉琪同黃翠如，好清純呀！
（左二是梁嘉琪，好清純呀！圖片來源：TVB）
（IG圖片）
其實洪永城、黃翠如和梁嘉琪同樣出身自有線娛樂新聞，三人就算轉了公司感情一樣好，他們跟區永權、衛志豪、莫家淦和潘梓鋒等人更被封為「有線幫」。成班人不時相約食飯，友誼相當深厚！
（成班有線出身的藝人都好fd，IG圖片）
（不時定期聚會，IG圖片）
撰文：羅慧怡