又一城My FESTIVAL 消費$1,000送$550禮券

臨近中秋，係時候諗送乜禮物畀親友，去商場消費就啱晒。黛安聽公關姐妹講，又一城今日起至10月10日，My FESTIVAL會員喺商場以信用卡、扣賬卡、易辦事、八達通卡或銀聯卡，即日消費滿$1,000或以上並出示會員號碼，就可換領$50購物禮券1張，同$500指定商戶購物券1套，總值$550！

會員即日消費滿$4,000，即可額外換領$500指定商戶購物券4套，總值$2,550㗎。姐妹仲話，美國運通卡會員於推廣期內，於商場單一消費滿$1,000或以上，除可換領$50購物禮券，仲可享每$1簽帳獲額外5分美國運通積分獎賞㖭；如果同時登記成為My FESTIVAL會員又或者係現有會員，用美國運通卡喺商場單一消費滿$1,000或以上，就可換領$50購物禮券2張，及$500指定商戶購物券1套，總值$600。快啲成為My FESTIVAL會員啦，着數陸續有來。