駱應鈞在影視界打滾47年，1973年投考邵氏訓練班，當時未夠21歲的他，簽下3年演員合約，可惜因為工作量不足，公司跟他提早解約。駱應鈞在1975年轉考無綫第5期電視藝員訓練班，拍過無數經典劇集，令人印象深刻的角色包括1981年《富貴榮華》的「雷力濤」、90年代《壹號皇庭》系列的「周文彬」、1994年《射鵰英雄傳》的「黃藥師」、2001年《倚天屠龍記》的「謝遜」等。2011年他離開無綫，轉投王維基的香港電視網絡，接拍《警界線》、《選戰》、《導火新聞線》、《夜班》等；期間，駱應鈞一直有參與電影演出，例如《大搜查之女》、《竊聽風雲》、《拆彈專家》等等，十分多產，現時則把事業重心轉移至國內。
早前，駱應鈞接受陳圖安港台節目《安哥同學會》的訪問，談及經典角色時，他指很深刻的是影射許氏兄弟的劇集《富貴榮華》，「監製李添勝提拔我演『雷力濤』，喺一齣溫情劇入面做一個反派，所以我好突出。由呢齣劇開始，我喺電視劇就不停咁做反派，做到自己都有啲厭；跟住就係《壹號皇庭》，好多謝監製鄧特希，佢當時真係排除萬難，搵我做一個好戇直嘅警察；因為當時有人認為我做開反派，（演警察）得唔得㗎？其實可以搵其他人做喎！而鄧特希又搵嚟歐陽震華、陶大宇佢哋，當時都仲未係一線，所以一直好多謝鄧特希俾機會我哋。」
【奸出名堂】駱應鈞入院40日工作頓失 入行近半世紀北上求突破【下一頁】
在家庭方面，眾所周知，他的胞弟是資深大律師駱應淦，爸爸駱存斌是在上海修讀法律系的小學校長，他指爸爸的生活太規律，或者是潛移默化，以致令他性格變得死板。提到1950年代粵語片演員駱恭，由於樣子嚴肅，經常飾演富翁、律師、探長、醫生、董事長這類角色，駱應鈞提起這個叔父，便說：「我爸爸有6兄弟，爸爸係最大，駱恭係我二叔，佢落到嚟香港，唔係即刻入影圈，佢係教書，喺我3、4歲嘅時候先入行，即係佢入行已經40幾歲，所以係做中年角色，聽講啲人鍾意用佢。因為當時阿嫲同我爸爸住，阿叔都會返嚟探吓阿媽，嗰陣我聽佢講，佢係誇張到教書份工一個月都返唔到一日，所以佢有一個御用代課老師！二叔（拍戲）真係好忙，佢拍一年戲，多過我喺影圈拍幾十年，一定有佢嘅個人之處。」
駱應鈞透露二叔曾說，很捨得花錢置裝，「可能有時因為製作費問題，劇務話佢聽要做有錢佬，要穿禮服，如果你有（私伙），人哋就唔使幫你張羅；佢捨得投資喺服裝上，對佢都好大幫助，拎咗好多有錢佬角色嚟做！另外粵語片嘅性格演員都會問佢借西裝！」
熒幕父子｜林峯秦沛13年後重逢已「抱孫」 勾起網民回憶翻煲《流金歲月》【下一頁】
陳圖安以「風度翩翩」和「做事穩陣」來形容駱應鈞，後者承認自己是一個很踏實的人，「有一次，我同黃一山喺內地開工，嗰齣戲係佢監製，佢好客氣，請咗我哋呢班香港演員去做嘢，其實佢可以唔搵我哋，佢可以叫內地演員㗎！佢仲要客氣到，我哋住酒店，好關心間房舒唔舒服；佢嚟到我間房，見到我喺行李箱入面拎啲嘢出嚟，佢見到我本日記，嚇一跳！因為諗唔到我係寫日記嘅人。其實我呢個習慣已經幾十年。我份人樣樣嘢都要有準備，就算好簡單嘅嘢，我都要諗一諗點樣可以先好啲；甚至乎出門口，我要行邊條路線，都會諗埋，我諗呢樣嘢係天生，有啲人會覺得使唔使咁麻煩呀？真係性格嚟，冇得講，但從我外表係睇唔出。」
撰文：黃曉妍
同場加映：劍擊童星│吳諾弘興奮出活動感激獲平反高度 與女神林明禎互動唔怕女友呷醋
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】