「細龜」黃一山爆羅嘉良1年賺20年TVB人工 買愉景灣豪宅 花20萬搞超靚音響

羅嘉良主演的劇集《先生貴性》近日在翡翠台深夜時段重播，相信勾起不少觀眾的回憶，皆因他在無綫奮鬥的20年間，演出過無數經典劇集，可謂陪伴大家一同成長，更為他帶來輝煌的演藝事業，是無綫其中一位的三屆視帝。細龜（黃一山）和羅嘉良在無綫及內地曾多次合作，雙方關係不錯，日前就在微博爆了對方一些小秘密。

{{hket:inline-image name="08161008.jpg"}}{{/hket:inline-image}}

{{hket:inline-image name="1024_c1b970117557721bd668a9cd924f45fasaasftp20200221.jpg"}}{{/hket:inline-image}}

先生貴性｜羅嘉良反串演Diana成為經典 「乜太」廖偉雄教煮餸放笑彈【下一頁】

細龜表示：「TVB曾經出過3個三屆視帝，分別就係羅嘉良、郭晉安同黎耀祥，3個裡面同我關係最好就係羅嘉良。嘉良哥其實最早係唱歌出身，好多人以為佢係演員出身，佢唱歌好好，但喺因緣際會之下演咗好多戲；佢最後喺2003年拍完《流金歲月》，攞埋第3屆嘅視帝之後，就好瀟灑咁離開咗TVB。咁我就問嘉良哥：『點解要離開TVB？你唔想攞埋第4屆、第5屆視帝咩？』，佢就話：『喺TVB都做咗超過20年，但係搵嘅收入唔係多；反而一出去拍電視劇，拍1年嘅收入，都超過喺TVB 20年嘅收入，咁點解唔走？』。」

羅嘉良被拍到神秘現身癌症中心 暴瘦傳患惡疾 內地急返港就醫？【下一頁】

細龜指2003年打後幾年時間，和羅嘉良合作過幾齣電視劇，當中印象最深刻是《我愛鍾無艷》，「佢做齊宣王，我就做佢嘅大臣，當時我哋拍攝地點就喺河北嘅涿州影視城，記得當時仲有沙塵暴，又凍到零下10幾度，所以我哋曾經度過好艱辛嘅歲月，嗰段時間裡面，我哋感情非常之好。嘉良哥教我一樣最好嘅嘢，就係唔可以『公器私用』。當時劇組配咗一部演員專用車畀佢，畢竟拍戲場地好辛苦，當地飯堂又好早就收，有次收工想一班人去食飯，於是同佢講：『反正你有演員車，不如坐你架車去餐廳食飯。』，佢就同我講：『細龜，我哋唔可以咁做，呢架車只係開工同收工時候先用，至於私人時間，我哋自己搵車。萬一我哋開車去食飯途中，出現咗交通意外，有人受傷或司機受傷嘅話，咁究竟係劇組定係我哋自己負責？既然我哋捨得花錢去食飯，就唔好慳呢啲交通費，自己搵部車去食飯啦！』，從此我就明白咗，公還公，私還私，千祈唔好攞公家嘢作為私人用，呢個係嘉良哥畀我最大啟發。」

（↓點擊放大睇圖片↓）

細龜再爆之後獲邀去羅嘉良位於愉景灣的別墅參觀，「我去到佢屋企，見地下裝修過，原來佢係一個音樂發燒友，鍾意聽嗰啲要用好粗嘅音響線，出嚟音響效果要好好嗰種。我問佢呢啲設備搞咗幾多（錢）？佢話搞咗有10幾、20萬。2003年嗰時已搞咗10幾、20萬，我話佢咁捨得，原來佢對音樂有種執著，所以佢一係唔聽，一係就要聽好好，聽音色好完美嘅音樂先會覺好開心。」他稱羅嘉良是對自己好有要求的人，亦因為這個原因，無論在演戲或唱歌方面，都創出不錯的成績。

撰文：梁榮達

同場加映：劉青雲古天樂郭富城三大影帝 拍攝《掃毒3》因疫情遇波折

{{hket:ul-video id="3894"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】