KFC吹韓風 $44起歎韓式脆雞配辣炒年糕

黛安向來鍾意食韓國菜，可惜疫情爆發後無得去韓國，好彩收到好姊妹報料，話KFC即日起會推出期間限定嘅「韓食旅團」系列，結合KFC特色同韓式風味嘅食品，等大家恍如置身韓國，來一場美食之旅。

今次KFC推出嘅美食，包括甜辣香脆嘅「韓式一口脆雞配辣炒年糕」，脆雞由精選無骨雞髀肉製成，外皮香脆內嫩Juicy，撈埋韓式秘製辛辣醬汁及辣炒年糕，韓式滋味100分，單叫12件只係44元起，好抵食。黛安聽講部分分店仲會有「韓食便當」，以韓式一口脆雞配辣炒年糕，再配飯、香脆紅豆餅、雙色番薯波及惹味韓式泡菜，諗起都食指大動！

此外，KFC亦會為招牌上校雞寶推出新款「金桔檸檬風味醬」，味道酸甜又散發淡淡果香；之後當然要歎埋新出嘅「濟州柑橘茶」，味道香甜清新，推廣期內買任何套餐或桶餐只需加9元便可以飲到，大家一定要試下。