Stephen．傾｜Cheronna握證據懷疑夏雨仔偷食 黃奕晨不堪「嚴密監控」提出分手

女子組合Super Girls成員Cheronna接受網上平台《Stephen．傾》訪問大談感情問題，自言係個戀愛大過天嘅人！

Cheronna同夏雨仔黃奕晨（Dixon）拍拖前，曾被「控制狂」前度逼到自殘身體：「拍拖3個月之後就係噩夢來臨，逼到我成日爆喊，癲咗咁鬧交，長期喺好大壓力狀況下去生活……逼我埋牆角，我就用傷害自己嘅方法希望冇事……自己摑自己，打落牆搞到自己瘀晒，掃啲碟落地，踩上去啲碎片度，如果我唔傷害自己件事就繼續落去，折磨期要3日。」加上前度同媽咪關係不好，令佢慘變夾心，連同媽咪嘅關係都變差。幸好有一日佢覺得難以再同對方相處落去，就以「父母反對」為由提出分手，結束咗呢場噩夢；佢又多謝目擊呢一切嘅隊友陪佢傾偈同開解自己。

{{hket:inline-image name="240647474_377252260526276_5408710534327405337_n.jpg"}}{{/hket:inline-image}}

Cheronna指可能因為呢段不愉快經歷，令佢難投入同黃奕晨（Dixon）嘅感情，而Dixon承受大壓力，期間仲疑出現第三者，令Cheronna對Dixon信心全失：「對佢信任完全瓦解，唔知呢個第三者係咪存在，可能行動上令我誤會嗰個係第三者。我冇搵真相，但我有啲證據，每次電話響，就會諗係咪有人搵佢；每次瞓覺，我唔知佢偷偷哋做啲乜，乜都黐到實，令佢辛苦，搞到佢提出分手。」Cheronna希望下一段感情嚟到嘅時候，可以學識放鬆同感恩。至於理想男友就要靚仔、有才華、有耐性同錫自己屋企人：「希望可以係最後一段情，因為我唔想失戀。」

Cheronna話今次接受訪問都有得著：「一早有人講話同（陳志雲）大師傾偈要有心理準備會好deep（深入），deep到我好似食咗誠實豆沙包咁，乜都講晒出嚟，開咗個總掣，講乜都可以喊。不過多謝呢個機會，我可以對自己嘅感受好坦白，對父母坦白，對觀眾坦白。傾計嘅過程中，我都聽翻自己嘅説話，又拾回自己一小部分！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】