KFC × 鴻福堂下火茶 食炸雞唔怕熱氣

黛安平時幾鍾意食KFC嘅炸雞，不過食得多炸嘢都擔心會熱氣。公關姊妹同黛安報料，最近KFC又有新搞作，佢哋聯乘「涼茶專家」鴻福堂推出全新嘅「KFC X鴻福堂下火茶」，除咗鴻福堂旗下分店外，惠康（下月10日起）同7-Eleven都可以買到，堂食KFC任何套餐只需加$9就有1支，咁就食幾多炸雞都唔怕熱氣啦！

姊妹話，呢款「下火茶」係用蘋果、薏米、白茅根同金銀花等11種精選材料調製，保證清熱降火，同秘製香料烹調而成嘅KFC家鄉雞真係絕配。KFC更特別推出$48嘅「KFC X鴻福堂套餐」，當中包括2件家鄉雞／香辣脆雞／狂惹香燒雞，加1客辣汁蘑菇香飯／家鄉雞皇飯（大）及1件經典葡撻，仲有1支鴻福堂下火茶，真係好抵。另外，KFC同鴻福堂仲會推出聯乘優惠，詳情可留意KFC嘅fb。