樂富廣場運動嘉年華 消費滿$300體驗VR跳傘

東京奧運掀起全城運動熱潮，黛安聽聞，樂富廣場B區嘅戶外休憩用地搞咗一個「SPORTIVAL運動嘉年華」，即日起至本月29日，喺場內設有5個「體能挑戰站」畀大家免費一試身手；只要用電子貨幣累積消費滿$300或以上，更可參加「飛越樂富」VR跳降傘體驗1次，喺室內都可以感受到空中滑翔嘅滋味！

「飛越樂富」模擬喺維港上空跳傘，只要戴上VR眼鏡，即可透過虛擬實景感受到高空滑翔降落嘅快感。至於5個「體能挑戰站」就包括抱石牆、斜坡跑、平衡繩、立定跳高訓練架同5級跳，畀唔同年齡或體能水平嘅人挑戰。

只要用電子貨幣消費滿$200或以上，即可換領「SPORTIVAL快證」及由「舒適堡」樂富健身瑜伽分店送出嘅1日通行證，憑快證可參加「每周體能挑戰賽」，每周得分頭3位嘅挑戰者仲可贏取豐富獎品㖭。