海事博物館 8月7至8日免費開放

暑假想帶小朋友出去玩？黛安有好介紹，位於中環8號碼頭嘅香港海事博物館，喺8月7日及8日朝早10點至下午4點半免費開放，並有一系列親子活動，如講故事時間、人像速繪、扭氣球及海事常識問答遊戲等，大家可以邊玩邊學海事知識同歷史。

呢兩日博物館會有特別活動，其中喺7號有「故事大使」雪姐姐，帶團導賞專題展覽「帆檣匯港︰世貿千年」，畀大家認識更多海事歷史，8號就有漫畫家Aman到場幫大家畫人像速繪。活動名額有限，要到官網預先登記，有興趣就要快啲報名喇。